Verskil tüsken versys van "Limbörg (Belgie)"

De tegenswoordege provìnzie kommt ongeveer overain mit t oale Geveskop Loon, dat in de [[11e eeuw|11e aiw]] veur t eerst nuimd wordt en n laingebied van t [[Prinsbisdom Loek]] was. In [[1794]] wuir t geveskop veroverd deur de Fransen en vervolgens veul t tot [[1814]] bestuurlieks onder t [[Departement Nedermaos|departement van de Nedermoas]]. Noa t [[Congres van Wenen|Kongres van Wienen]] in 1815 ontstond n nije stoat, t [[Verainde Keunenkriek der Nederlanden]], woarin de tegenswoordege Floamse en Nederlaandse provìnzie Limbörg n ainhaid vörmden. De nije provìnzie kreeg van Keuneng Willem I de noam [[Limbörg (Belgie)|Limbörg]], noar t oale [[Hertogdom Limburg|Heertogdom Limbörg]]. Dou [[Belgie]] zoch in 1830 ofschaaidde, kwam hail Limbörg (mit uutzöndern van [[Moastricht]]) onder Belgisch bestuur. As gevolg van t schaaidengsverdrag tuzzen Nederlaand en Belgie wuiren in 1839 baaide Limbörgen offisjeel schaaiden mit as grenze de [[Moas]]. t Oostelke dail gong noar Nederlaand en t westelke dail bleef Belgisch.