Verskil tüsken versys van "Grunnegs"

Verwijderde inhoud Toegevoegde inhoud
NaegelBot (Oaverleg | bydragen)
K Bot-eholpen deurverwiezing: Kaark - Verwiezing(en) ewiezegd noar Kaark (gebouw)
Grönneger 1 (Oaverleg | bydragen)
Regel 250:
 
== Doagelks leven ==
=== Vertoalgedrag ===
t Vertoalgedrag van t Grunnegs holdt ien de moat van vertoalen en vergrunnegsen van woorden ien t doagelks sproakbroeken. De lèste tienderjoaren wordt dit aal minder. Hierveur wör al proat over t regiolekt, t soamengoan van de Grunnegse dialekten tou ain streektoal. Toch het dit ook nog n aander betaikenis, noamelk t soamengoan van t Grunnegs mit t Hollaands. Deurdat de Hollaandse toal aal meer grond kregen het ien Grunnen en noudoags de heufdtoal worden is, vervaalt t Grunnegs noar de achtergrond. Veul mìnsken proaten nog wel meer Grunnegs as Hollaands, môr t Hollaands is tegenswoordeg t veurbeeld worden. Olle woorden as 'keroazie', 'teller', 'edik', 'oproupen', 'hozen' en 'snek' worden ien t normoale sproakbroeken nait meer broekt en worden vervongen deur vergrunnegste Hollaandse woorden as 'moud', 'bôrd', 'azien', 'bèllen', 'sokken' en 'slak'. t Is aans nait zo dat dij olle worden nait meer bekend binnen. Man kent heur nog wel, môr worden as te plat ervoaren en man leuft dat aander luu dizze woorden nait meer kennen.
 
n Aander aspekt van vertoalgedrag is t opnemen van vrumde woorden. Vrouger was t Grunnegs de ainegste toal dij t vôlk prait, woardeur woorden al gaauw veraanderd wörren. Denk aan t woord 'bait', dat oorspronkelk binnenkwam as 'beet'. Ien dij tied was t hail gewoon om nije woorden te vergrunnegsen. Noudoags is dat minder. Exotische vruchten as 'tomaat' en 'banaan' worden ien t doagelks sproakbroeken nait vertoald noar 'temoat' en 'benoan', môr hollen heur aa klank. Ook aander nij woorden as 'voetbal', 'televisie' en 'ijs(co)' worden ien t doagelkse sproakbroeken nait vertoald noar 'voutbaal', 'wiedkieker' of 'iesko', môr blieven t zulfde as in t Nederlaands.
 
[[Ofbeelding:RijksUniversiteit Groningen - University of Groningen.jpg|right|thumb|250px|Akademiegebaauw ien Stad]]
=== Onderwies ===