Verskil tüsken versys van "Braobaans"

Et '''Braobaans''' is een groep van [[Nederfrankies|Nederfrankische]] dialekten die spreuken wodden in de [[Nederlaand|Nederlaanse]] perveensie [[Noord-Braobaant]] en in de [[België|Belgische]] perveensies [[Antwaarp (provìnzie)|Antwarpen]] en [[Vlaams-Braobaant]], in roemere zin ok in een klein diel van [[Duutslaand]], et [[Zuud-Gelders]], de noordelike dialekten van [[Nederlaans-Limburg]], et laand van [[Hulst]] en westelik [[Belgisch-Limburg]]. In et noordwesten van [[Noord-Braobaant]] bi'j [[Willemstad (Noord-Broabant)|Willemstad]] praoten ze een [[Hollaans (dialekt)|Hollaans]] dialekt en in [[Budel]], [[Maarheeze]] en [[Soerendonk]] praoten ze [[Limburgs]]e dialekten.

Braobaans is gien [[streektael]] mar een [[Nederlaans]] dialekt, dat komt deurdat et te vule bi'jdregen het an et ontstaon van et [[Standerdnederlaans]], tegere mit et [[Hollaans (dialekt)|Hollaans]].

De belangriekste kenmarken bin et woordtien ''gij'' tegenover et [[HollaansNederlaands|Hollaanse]]e ''jij'', et [[Zeeuws]]e ''hie'' en et [[Limburgs]]e ''dich''; de vorming van [[verkleinwoord]]en op ''-(s)ke'' en de typische vervoeging nao ''gij''. Et oolde Zudelike Nederlaans ''waart gij'' wodt in et Braobaans ''waarde (gij)'' (NB ''gij waart'') - waorbi'j ''gij'' nao de persoonsvorm nogmaols toevoegd wodt aj' naodrok willen leggen (een veurbeeld van [[tautologie]]) - en ''hebt gij'' wodt in et Braobaans ''hedde (gij)''. Ten onrechte wodt de uutgang ''-de'' in ''hedde gij'' zien as een overbliefsel van et [[Middelnederlaans]]e persoonlik veurnaemwoord veur "jij", du (dat in bi'jkaans alle aandere [[Indo-Europese taelen]] tot op heden votleeft), wiels et allienig om een [[assimilasie|assimileerde]] vorm van et persoonlik veurnaemwoord ''gij'' gaot (taelhistorisch: [Mndl] ''komt ghi'' = [enklitisch] ''komdi'' > [N-Braob] "komde"). De [[verbuging|verbeugen]] vormen van ''gij'' verschillen per dialekt, bi'jgelieks veurwarpsvormen, waoronder: ''Oe'' (o.a. Middenbraobaans), ''(J)ou'' of ''U''.