Verskil tüsken versys van "Pinksterblom"

De '''pinksterblom''' ([[Latien]]: ''Cardamine pratensis'') is n kruusblommege dij tot n haalve meter hoog worden kin. De plaant bluit mit lila tot rôze blommen. De kroonbloader binnen maximoal 18 milimeter laang. De plaant het n wortelrozet. De bloader binnen soamensteld. De dielbladjes van t wortelrozet binnen kört en breed en voak bochteg taand. De stengelbloader binnen smal en laang. De stengel is hol en rond. De vrucht is n [[haauw]]. Dizzent binnen bie de pinksterblom smal en hooguut 5,5 sintimeter laang.

 

De plaant bluit ondaanks zien noam mit noam in de periode véúr [[Pinkster]]. t Ìnd van de moand [[april]] is meesttieds t hoogtepunt. Mit noam ien [[Frieslaand]] wordt t [[schierling|honnekruud]], dat wél om en bie Pinkster bluit, ook wel pinksterblom nuimd.

 

Ook komt de plaant veur in gazons, woar ze deur t intensieve maaibeheer niet tot blui komt. As de eerste maaibeurten niet doan worden, blikt deur de uutbundege blui van pinksterblommen houveul de soort der ien veurkomt.

 

Pinksterblom wer vrogger bruukt tegen veurjoarsmuuhaid deur zien hoge gehaalte aan [[Vitamine C]]. t Waarkt hoeststillend en borstrainegend. Wieder kin t bie summege vörms van sokkerziekte n gunstege uutwaarken hebben.

 

 

{{commons|Cardamine pratensis}}

 

[[Kattegerie:Plaante]]

 

{{Link FA|de}}

 

[[cs:Řeřišnice luční]]

[[da:Eng-Karse]]