'''Halle''' is een darp in de gemeente [[Bronckhorst]] in de previnsie [[Gelderland]] in [[Nederland]] en besteet uut dri-j kernen: Halle, Halle-Heide en Halle-Ni-jman. De heufdkern is Halle.
==Scholen en karken==
Halle hef een eigen basisschole, de "Dorpsschole" en een [[Nederlaandse Hervormde Karke|Hervormde]] [[Kaark (gebouw)|karke]].
Tussen de Darpstraote en de Roggestraote steet de "Koninkrijkszaal" van de Jehova's getugen.
In de Heide (Halle-Heide) steet een laegere schole en ok in de Ni'jman vin i'j ne schole: de "Ni'jmanse schole". Beide scholen valt onder 't biezunder onderwies: 't bunt [[christendom|christeleke]] scholen.
==Winkelbestaand==
Net as in völle andere kleine kernen bunt ok in Halle in de loop der jaoren völle winkels vedwenen, maor i'j könt ow d'r nog steeds redden: d'r is nog een supermarkt; en a'j de wasmaschine of de televisie kapot hebt köj d'r ok nog terechte, net as met een kapotte fietse, kachel of waterleiding.
==Zwarte Cross==
Halle is landelek bekend vanweage de "[[Zwarte Cross]]", dèn tot 2006 in Halle op het terrein van de motorcrossvereniging "HALMAC" organiseerd wodden. Vanaf 2006 is de [[Zwarte Cross]] vanweage plaatsgebrek noar [[Lechtenvoorde]] verhuusd. Op ut zelfde crossterrein wodden in de joaren '70 van de [[20e eeuw]] de opnames emaakt van de Nederlandse spölfilm "Spetters".
