|
POEP
'''Goaitsen van der Vliet''' ([[Surhuzum]], [[1951]]) is een uutgever en tekstverzörger in [[Twente]] van [[Frieslaand|Friese]] ofkumst, die gaanks is mit 't [[Tweants|Twèents]] as skrief- en [[cultuurtaal]].
==Kiek op 't Twèents==
Van der Vliet, die sund zien studententied in [[Eanske]] woont, hef 't gebruuk van de streektaal op slim veule manieren verni'jd en is daorbi'j niet bange um de knuppel in 't hoenderhokke te gooien. Hi'j stiet bekend as iene die vake zien helligheid utert oaver de algemiene gewoonte um de streektaal te reserveren veur 'folklore en kritiekloze ophemmeling van anneke-bestemoorstied'<ref>[http://members.home.nl/goaitsen/dnt/01tgeeta.htm Redactiebeleid van ''De Nieje Tied'']</ref>, en um dizze taal koste wat kost marginaal te holden (beveurbield aj eneugd wördt veur de viering van een dialectmaond mit een folder die van kop töt starte in 't 'Hooghaarlemmerdieks' eskreben is).<ref>[http://members.home.nl/goaitsen/twents/toek.htm Goaitsen van der Vliet, ''Over de toekomst van het Twents]</ref>
Bi'j zien benaodering van 't Twèents lat Van der Vliet hum inspireren deur hoe as d'r mit 't [[Westlaauwers Frais|Fries]] as cultuurtaal wördt ummesprungen. Hi'j had in 1977 in Eanske al de oprichter ewest van de eerste Friestalige rockband, [[Rockploech Spul]].
==Uutgeveri'je en skrieveri'je==
Mit zien ienmansbedrief De Oare útjouwerij (D'aandere uutgeveri'je) gef Van der Vliet literatuur, poëzie, bieldende kuunst, streektaalwark, geleengheidswark en (sund 1994) 't 'Blad in t plat' ''[[De Nieje Tied]]'' uut. De uutgeveri'je publiceert in 't Twèents, Fries en Nederlaans en huust in [[Eanske]]. Een bekende uutgave, die an 't begun stund van Van der Vliet zien interesse veur 't Twèents, is ''Heftan tattat! (gedichn in t stadsplat)'' van [[Willem Wilmink]] (1992).<ref>[http://members.home.nl/dou/ Webstee van De Oare útjouwerij]</ref>
Onder de titel ''De Verdichting'' publiceerden e Twèentse vertalings van gedichten uut verskeiden talen in 't Twèentse weekblad ''[[De Roskam]]''.<ref>[http://members.home.nl/goaitsen/twents/dv/index.htm ''De Verdichting'', Twèentse poëzievertalings deur Goaitsen van der Vliet]</ref> Mit [[Frank Löwik]] hef hi'j de Twèentse vertaling emeuken veur 't stripboek ''Asterix den Galliër'' (1997), det hi'j ok hef uutegeben.<ref>[http://members.home.nl/dou/adg.htm Oaver ''Asterix den Galliër'']</ref> Ok was hi'j taalcoach (eerste jaor) en hef hi'j dialogen vertaald (tweide jaor) veur de Twèentstalige [[regiosoap|zieperiege]] [[Van Jonge Leu en Oale Groond]].
==Standaard Schriefwieze==
Van der Vliet hef de [[Standaard Schriefwieze]] ontwörpen veur Twèentse en anverwaante streektalen. Dizze skriefwieze is de miest gangbare veur 't Twèents naost de oldere skriefwieze van de [[Kreenk vuur de Twentse Sproak]] en is daor ok op ebaseerd. De Standaard Schriefwieze wik op een paar punten van de Kreenk-skriefwieze of, en d'r bint riegels bi'j edaon die volngs Van der Vliet de streektaalvariaanten in heur skriftelijke weergaove meer op menare antrekt en de leesberheid verhoogt.<ref>[http://members.home.nl/dialexicon/versie/Spelling.rtf Standaard Schriefwieze (rtf-bestaand)]</ref> De Standaard Schriefwieze is fonetischer as de mieste aandere schriefwiezen veur 't [[Nedersaksisch]] as 't giet um de uutgaank ''-n'' (''maakn'', ''beginn'', ''teagn'') in stee van ''-en'' (''maken'', ''beginnen'', ''tegen'').
==Dialexicon Twents, films, Twentse Taalbank==
Van der Vliet is de samensteller van 't [[Dialexicon Twents]], een digitaal woordenboek mit (in oktober 2010) hoast 50.000 trefwoorden en 25.000 uutdrokkings, Twèents-Nederlaans en Nederlaans-Twèents. 't Giet uut van de Standaard Schriefwieze.<ref>[http://members.home.nl/dialexicon/index.htm Dialexicon Twents, digitaal Twèents woordenboek]</ref>
Mit regisseur Patrick Drijver meuk hi'j veur 't museum [[TwentseWelle]] in 2007 de körte films ''Hoe kleiner hoe meer (Nanotechnologie in Twente)'', ''Oude grond, nieuwe plannen (Veranderingen op het Twentse platteland)'' en ''Rijles in een andere wereld (De scootmobielsimulator)''.
Goaitsen van der Vliet is bedeanker, en (seend 1 september 2010) konservator van de [[Twentse Taalbank]], n meerjoarig projekt van de [[Oudheidkamer Twente]] met subsidie van de Proveencie Oaveriessel en de Mondriaan Stichting veur et in kaart brengn, biej mekaar gaddern, beschrievn en toogaankelik maakn van alns wat der in lange joarn in en oaver t Tweanter plat in de weerld komn is.
==Rifferenties==
<references />
==Uutgaonde verwiezing==
[http://members.home.nl/goaitsen/ Goaitsen van der Vliet zien webstee, mit verwiezings naor zien wark op streektaalgebied]
{{Dia|Dit stok is eskreven in 't [[Zuudwest-Zuud-Drèents]] van de Drèents-Oaveriesselse grèensstreek.}}
[[Kattegerie:Drèents artikel|Vliet, Goaitsen van der]]
[[Kattegerie:Tweante|Vliet, Goaitsen van der]]
[[Kattegerie:Nedersaksische schrieveri'je|Vliet, Goaitsen van der]]
[[Kattegerie:Schriever in t Tweants|Vliet, Goaitsen van der]]
| 