|
[[Ofbeelding:Haandvat-goastok.JPG|thumb|right|300px|Haandvat van n goastok]]
nNen '''Goastokgoastok''' is n ooldn [[Tweants]]n waandelstok, den at vake te herkenn is an n gekruldn vörm van t hoolt. Goastökke wordt hoaste neet mear emaakt, umdet de leu de natuur al mear anpakt, en de [[kamperfoelie]], den at t hoolt zinne amparte vörm gef, de kaans neet gunt um zik um t hoolt hen te kruln.
==Tradisie==
nNen Goastokgoastok was n teekn van anzeen en tradisie. Zo gungn [[brulfte]]neugers, dee at bie de femilie en könnigheaid an gungn um de leu oet te neugen vuur ne brulfte, aait met nenen goastok op pad, woermet ze dan op de duurn klopn. Umdet ze dan as daank vuur de oetneudiging bie iederene nen ''borltjen'' kreegn, was n goastok ook neudig vuur de oonderstönnige. Ook bie groowes en grooweneugers gung n goastok met.<br />
As dr n keend geboorn was, versierdn de vaa zinnen goastok met slingers, zodet iederene zeen kon det hee wat te viern har.
Ook op de koarmsel gung n goastok met, um denzelfden reedn woerumme de brulfteneugers um neudig hadn. Doarnöast is nnen goastok n duchtig woapn. Bie de boern hung n stok boawn t berre, zodet ze t deenk direkt griepn konn as dr wat amparts vuur zol valn. Ook op de koarmsel kon t nog wal es op houwn oetloopn, en dan köm n goastok good töt zin rech. De bekeandste verhaaln hiervan komt van de [[Buurtschop|boerskop]] [[Stokkum (Hof van Tweante)|Stokkum]] bie [[Maarkel|Moarkel]]. Doar warn de jongs vroger nog wal gaauw an ebraandt, en as jongs van boetn Stokkum dan te noa an de Stokkumse meaksmeakns kömn, dan köm t op houwerieje an.
==Soortn==
Dr beent feailik twee soortn goastökke. n Bekeandsn is den gedreeidn, mear in Moarkel hebt ze wat amparts. n Moarkelsen goastok is vake van Mispelhoolt, en recht. t Haandvat is versierd met gaanzepenn dee wordt verwöawn met zwart peardehoar, woerduur n zwart-wit skaakbordmotief ontsteet. Dee wordt of ewoarket met stuks lear an weerskaantn, en nen learn baand vuur um n pools.
Doarnöast beent rdr verhaaln bekeand van de [[Broabaant]]se [[Teutn]]. Dit was n oarm [[Bakkiesman|kistnkearls]]volk dee at duur gebrek an groond duur verskeaidene laandn treukn, en doarbie ook n soort goastok hadn,. denDen atwas vake van binn hol was emaakt, zodet rdr n mes of lang knief in kon, woermet at ze zik dan teegn kwoadwilnde leu verdeadign konn
<ref>http://www.heijmerikx.nl/2007/06/23/teuten-en-todden/</ref>
Wieters köant alle soortn waandelstökke wal goastökke neumd wordn, mear vake wörd met "goastok" direkt noar n Tweantsn verweezn.
==ReffereansiesVerwiezings==
<references />
| 