Verskil tüsken versys van "Konfusius"

Duur de reurige tiedn van de [[Tied van Leante en Harfst]] was dr ruumte vuur männe um te probeern regearnde macht woln kriegn. Dit wol Konfusius zelf, mer det dreug he ook zinne studeantn op. Gode studeantn mosn volgens Konfusius macht kriegn. Zin oonderwies gung dus vake oawer pollitieke veardigheedn. Konfusius zinne ideejn steundn vake lienrecht teegnoawer de doomoalige staandenmoatskoppieje. Hee meann at van nature alman geliek was. Hee veund det hoge pöste bezat mosn wordn duur bekwoame leu met verstaand van zaakn, en en neet duur adelike leu dee't t baantjen oawernömn van öare vaars. Toch was Konfusius ginnen opstaandeling. Hee wol gearne at de stabiliteit van de Westelike [[Zhou]]-dynastie wierköm, woarin iederene zinnen staand duur konvensies, ritueeln en seremonies warn bepoald. Hee was dus nit per se teegn de adelike hearskoppieje. Hee adviseern vake gode neen bekwoame leu um zik bie öare legere posisie dale te legn. Wat det angeet, gung Konfusius teegn de deankwiezes van zinne tied in. Hee wör vake umskreewn as "den kearl den't dut woarvan hee weet dat t nit meugelik is".