Verskil tüsken versys van "Apeldoorne (gemeente)"

Een groot deel van 't landelijke gebied van Apeldoorne kenmärk zich deur veul netuur. 't Hele westen van de gemeente is onderdeel van de oostkante van de Veluwe, met op de [[stuwwalle]]n elegen [[bos]]sen en [[heed (vegetasie)|heedvelden]]. De hoogste heuvel in de umgeving is de [[Toornebarg]], die 107,1 meter hoge is. De hoogste heuvel van de Veluwe is 110 meter (netuurgebied [[Imbosch]], bie [[Rheden]]).

 

Rond [[792]] wödt Apeldoorne al eneumd as ''Appoldro''; toen was 't werschienlijk al een butenplaatse (''villa''). 't Kreeg betekenisse as industrieoord, toen 't zich in de vrogmederne tied töt centrum van de pepierverwärking ontwikkelde; 't dörpjen greuien vlogge maar kreeg gien [[stadsrechen]], oldere lu neumt de stad Apeldoorne dan ok nog de heeltied 't ''därp''. In [[1684]] koch [[Stadholder Willem III]] Peleis 't Loo. Nao 1800 ging de industriële betekenisse van Apeldoorne achteruut, al was in [[1869]] 't [[Apeldoorns Kenaal|Apeldoornse Kenaal]] of, waormee de stad via de [[Iessel]] verbunnen was met de [[Zuderzee]]. Nao de [[Tweede Wereldoorlog]] greuien 't uut töt een stad van nasionale betekenisse, ok met volkse wieken zoas De Maoten en Zeuvenhuzen.

 

[[Apeldoorne (stad)|Apeldoorne]], [[Assel]], [[Bèèkbargen]], [[Beemte-Broekland]], [[Engeland (Gelderland)|Engeland]], [[Grunendaal (Gelderland)|Grunendaal]], [[Hoenderloo]], [[Heuilannen]], [[Hoog Soeren]], [[Klanenbeek]] (gedeeltelijk), [[Lieren]], [[Loen]], [[Niej-Milligen]], [[Oosterhuzen]], [[Radio Kodek]], [[Uddel]], [[Ugchelen]], [[Wenum-Wiesel]], [[Woeste Hoeve]] en [[Woldhuzen]].

 

Umdat Apeldoorne pas late ontwikkeld is hef 't weinig olde gebouwen. 't Olde raodhuus is de meuite weerd, net as de [[neogotiek|neogotische]] Grote Kärke.

 

Apeldoorne hef een open bebouwing met veul losstaonde huzen en grote parken, wat as stad met veul bourgeoisinwoners niet verwonderlijk is. Ie ziet der ok veul stadsparken; daorumme wödt 't ok wel de ''Greune stad'' eneumd. In 't westen van Apeldoorne lig de Veluwe, een bosriek gebied met een florissante [[dieren|fauna]]. Ok lig [[Peleis 't Loo]], de butenplaatse van [[Wilhelmina van Nederlaand|Wilhelmina]], in Apeldoorne; de koninklijke femilie hef 't los edaon veur 't pebliek.

 

De stad [[Burlington (Ontario)|Burlington]] in Kanneda is een zusterstad van Apeldoorne en met [[Yichang]] in China is een ''verdrag'' ondertekend dat veural op ekenomische samenwärking erich is. Tussen ongeveer [[1963]] en [[1990]] had Apeldoorne kontak met de zustersteden [[Gagny]], [[Gladsaxe]], [[Minden]], [[Sutton (Londen)]] en [[Berlin-Wilmersdorf]]. Naor de leste vier bint straotnamen in industriegebied Kupersveld verneumd.

 

[[no:Apeldoorn]]

[[pl:Apeldoorn]]

[[pt:Apeldoorn]]

[[ro:Apeldoorn]]