Verskil tüsken versys van "Dom van Utrecht"

De Domkarke was tot de karkelijke herindieling in [[1559]] de ienigste kattedraal in de Noordelike Nederlanen, en totan de bouw van de [[Kattedrale Basiliek Sint-Bavo|Sint-Bavokattedraal]] in [[Haarlem]] in [[1895]] de ienigste as kattedraal bouwde karke. Van de karke resteren tegensworig amper et [[priesterkoor|koor]] en et [[transept|dwarsschip]]; de Domtoren wodt deur een plein van de karke scheiden. Bi'j et Domkomplex heuren veerder nog een [[kloostergang|kruusgaang]] en een kapittelzael (now aula van de [[Universiteit Utrecht]]).

 

 

In de [[middeleeuwn|middelieuwen]] was een [[kapittel]] an de Domkarke verbunnen dat een eigen [[immuniteit]] bezat, een grondstok waorop de wereldlike macht niks in te brengen had. Behalven de kattedraal zels stonnen hier de woningen van de [[kanunnik]]en en tot in de dattiende ieuw ok et paleis Lofen van de Duutse keizer. De immuniteit van de Dom greensde an de zuudkaante an de immuniteit van de [[Sint-Salvatorkarke]] of Oold-Munsterkarke mit onder meer et paleis van de [[bisschop]]. Tussen beide karken, op et grondgebied van de Sint-Salvator, ston een dadde karkien inklemd, de Heilig-Kruuskapel.