't Klepperklömpke
15 nov 2011 lid geworden
Verwijderde inhoud Toegevoegde inhoud
Nieje pagina: '{{Dialekt|twd}} Joa, doar stoa'j dan met oe goeie gedrag. Bi'j aans an begunnen woa'j van dachen dat'wa met zol vallen, mer't vält fleenk tiegen. Ik doo mien beste, iej möt mer ...' |
Geen bewerkingssamenvatting |
||
Regel 1:
{{Dialekt|twd}}
Wei bin ik?
Geboren en getogen in’t mooie dörpke Eanter. Doar kuiern ze plat, wiej wussen neet aans. Ok biej miej op de kleuterskole kuiern de meesten plat. Mangs a’j good luustern heurden iej der ene aans proaten, Eduard van de measter, Eef van’ domie of Esther van’ dokter. Met Esther spöllen ik wa-l-s en ik kan oe wa vertellen dat de sproak vuur oons gin verskil maken. In’t spölketeer smaken eur “boterham uit een trommeltje” net zo lekker as mien pläkken stoete oet’n tuutje en as zee “viel met haar step” dear’t eur net zo zeer as dat ik met mien autopet pleerden. Wat’ Nederlaands betröf: Wiej warren joonk, wiej learden vlot en zo pröat iederene in de läste klasse van de kleuterskole netjes “netjes”.<br>
Op de leagere skole en ok in’t vuurtgezet oonderwies ha’k der dan ok weanig last mear met. Allenig biej oons in thoes en met könnigen wörden der Eanters esprökken en boeten de dure Nederlands.’t Wörden aans toew’k zeelf wichter kreeg. Netuurlijk kan’k netjes ABN, mer a’k hellig wor dan waart oe mer! Miene meakens bint der wa groot umme wörden, a hebt wiej um sommige weure verhitte debatten ehad.’t Weurdje -wiedwagens- vertalen ik noar -wijdwagens- mer in’t Nederlands is dat wagenwijd. Kleane dinge könt’n groot verskil maken.Seends da’k met IEKUS bezig binne, vergiewt zee’t miej gelukkig. Ik proate now “geoorloofd” plat.Stiekem hopt ze netuurlijk dat’t nog wier oawer geet, mer ik wet wa better: “Eens’n Eantersen, aait’n Eantersen.” <br>
Met gebroek van’t beukske: “Twents, hoo schrief iej dat” van Uitgeverij TwentseWelle he’k de tekst zovöl meuglijk an-epast.
‘t Eanters is net ietskes aans dan’t Tweants en sommige weure stoat neet in de richtlienen van’t beuken. Um’t ietskes herkenbaarder te maken he’k oonze “Viej zint” vervangen duur “Wiej bint”,wat gangbaarder Tweants is. Ok har’k meuite met de -sch- en umdat wiej nog ech nen -sk- oetsprekt blif dat in dit book dus gewoon -sk- : skole, skone, sköape, enz. Waarkweure he’k voloet eskreewn: lopen, loeren, enz. Behaalve weure met as oetgaank -wn- dat he’k zo eloaten: giewn, leawn, bliewn, skriewn enz.“Ik hete IEKUS” is zo duur iederene good te leazen, helemoal netuurlijk met de Nederlaandse versie der biej nöast.<br>
Doarumme wol ik ok geerne dat' op de Wikipedie köm te stoan zodat leu kunt zeen dat ok oale sproaken in 'n niej beukske past.
Mer zo bes gung dat neet, ik heb der miej 'n betje op verkekken, um earlke te wean valt' vies tiegen.
Ik doo mien beste, iej möt mer eawn geduld hebben. Ak't zovear heb maark iej't vanzeelf wa. Iedrene den at miej bie kan springen, geerne!<br>
Goodgoan, Gerdien van Henk van Ketrienboer en Jenneke van Triengaitkesgetjan.
| |||