Verskil tüsken versys van "Bargerveen"

Verwijderde inhoud Toegevoegde inhoud
Bermond (Oaverleg | bydragen)
Bermond (Oaverleg | bydragen)
Regel 6:
Bargerveen bestiet uut drie delen: in het noorden lig het [[Meerstalblok]], in het midden het [[Amsterdamsche Veld]] en in het zuuden het [[Schoonebeekerveld]]. In 1992 wuur de vervening hier stopt en kwam het gebied in hàanden van [[Staotsbosbeheer]] dat hier al verschillende stukken in bezit haar. Het Meerstalblok was as eerste van hunnie en later kwamen daor de twee andere stukken bij. Sins juni 2006 vormt het samen met het Duutse stuk het ''Internationale Natuurpark Boertanger Moor-Bargerveen''.
 
Tiedens de [[vervening]] wuur het veen tot en met de jaoren dertig over het [[smalspoor]] naor de fabriek van de [[Griendtsveen Turfstrooisel Maatschappij]] in [[Amsterdamscheveld (Erica)|Amsterdamscheveld]] bracht, waor de boomste laoge, de [[bolster]], verwerkt wuur tot [[turfstrooisel]]. Later gebruukten ze daor vrachtwagens veur. Op de plaats van de fabriek stiet sins 1984 het [[Industrieel Smalspoor Museum]]. Van de [[zwarte turf]] maken ze sins 1921 pillegies inbij de [[Purit]] in [[Klazienaveen]] (die wordt sins 1997 [[Norit (bedrief)|Norit Nederland]] nuumt).
 
Ze wullen in het natuurgebied veur mekaar kriegen dat der weer leemd hoogveen komp. Daor bedoelen ze met dat der deur de grui van [[veenmos]] weer nei veen ontstiet. Deur het Amsterdamsche Veld löp nog een stukkie van de [[Hondsrug]] waordeur het scheiden wordt in een oostelijke en een veul natter westelijke helfte. Verder hem ze op verschillende plaatsen dammen bouwt waordeur een hoog- en laagwatergruppe vormt is en het waterpeil in bedwang holen kan worden.