|
==t Begrip==
{{Heufdartikel|Terminologie Nederduuts-Platduuts-Nedersaksies|vel}}
t Begrip ''Nedersaksies'' wördden tot in de [[1990-1999|jaoren negentig]] van de [[20e eeuw]] allinnig gebruukt deur historiese taalkundigen en (veural in de jaoren vuuftig) deur n paor streektaalschrievers en -aktivisten.<ref>Zo had t in Groningen op-erichten literaere tiedschrift ''[['t Swieniegeltje]]'' (1954-1959) n schofjen de ondertitel 'Nedersaksisch tiedschrift'.</ref>. Luui die n Nedersaksies dialekt praotten neumden der eigen dialekt bie de naam van n plaotse of streek (Achterhooks, Drèents, Veluws, Elspeets en gao zo mer deur), of ze neumden t gewoon ''plat'' (in Duutslaand: ''Platt'', ''[[Platduuts|Plattdüütsch]]'', ''[[Nederduuts|Nedderdüütsch]]'', ''Neddersassisch'' en zo wat meer), bie ons in Nederlaand is oek t begrip Platduuts meugelik, mer is niet zo populaer umdat t te veule an t Duuts döt denken. In Duutslaand wörden mit ''Neddersassisch'' veural t [[West-Nedersaksisch|West-Nedersaksies]] (of t [[Nederlaand]]se Nedersaksies in t biezunder) bedoeld. In Groningen zegen ze in de plaotse van ''Nedersaksies'' oek wel ''Leegsaksies'' en in Twente ''Neersassies''. Deurda'j disse verschillende gebruken hebben, ku'j nog wel es in t wiere raken.
Onder invleud van verschillende streektaalbewegingen hef in Nederlaand de [[politiek]] t begrip ''Nedersaksies'' overeneumen en uuteindelik as streektaal erkend. Van één gelieke kultuurtaal is (nog lange) gien sprake, oek deurdat elke poging van standardisering (spelling en woordeschat) as n vremd iets ezien wörden en wörden daorumme meestentieds oek gauw aofewezen.
===Duutslaand===
t Antal aktieve sprekers van t Nedersaksies wörden veur Duutslaand vake rond de 5,5 miljoen eschat,<ref>Volgens http://www.staff.uni-oldenburg.de/gabriele.diekmann-droege/9361.html</ref>, waorvan zo'n vier miljoen meensen de taal goed tot uutstekend kunnen spreken.<ref>27% van bevolking van Sleeswiek-Holstein, 23% van Mecklenburg-Veur-Pommeren, 14% van Nedersaksen, 10% van Noordrijn-Westfaolen en nog es 5% van Braandenburg en Saksen-Anhalt, samen zo'n vier miljoen – nog niet inbegrepen bin Hamburg en Bremen en de rond 200.000 sprekers van t [[Plautdietsch]], die overwegend buten de onderzeuksgebiejen woenen, antallen volgens [http://www.germsem.uni-kiel.de/ndnl/materialien/Lehre%20Prof.%20Elmentaler%20Sommer%2010/pdf-Folien%20Vorlesung%20Standard%20und%20Substandard%20SoSe%202010/Kopie%20von%20pdf-Folien/8.pdf ''Vorlesung „Niederdeutsch in Geschichte und Gegenwart“ – Niederdeutsch heute: Eine Bestandsaufnahme''] (sitaot van Frerk Möller: ''Plattdeutsch im 21. Jahrhundert. Bestandsaufnahme und Perspektiven.'' Leer 2008, S. 22 f.)</ref> Zo'n 10,2 miljoen Duutsers hebben enige passieve kennis van t Nedersaksies en zo'n twee miljoen meensen spreken t vake.<ref> Volgens http://www.staff.uni-oldenburg.de/gabriele.diekmann-droege/9361.html</ref>. Hierbie koemen de rond 200.000 sprekers van t [[Plautdietsch]], die overwegend buten de onderzeuksgebiejen woenen en bin daorumme dus oek niet mee-eneumen in de telling. t Antal passieve sprekers, dit wil zegen de meensen die t Nedersaksies verstaon, wörden vake mit tien miljoen en hoger an-egeven veur Duutslaand, mer disse antallen kunnen oek veule hoger liggen (kiek hierboven).
===Denemarken===
|
