'''André Manuel''' ([[Deepn]], [[1966]]) is nen [[Tweante|Tweantsen]] muzikaant en komiek. Vanof [[1985]] dut'e he vroagstukke oet de moatskoppieje behaandeln met zinnen band [[Fratsen]].
As disn band dr met oetskeaidt, keump Manuel in [[1996]] met ne vuurstelling den at de titel ''Krang'' dreg. n Programma doarop dut'e he ook optreedn met nen band den at ''Krang'' het. Doarnöast blif'e he ook ''solo'' op de plaankn stoan.
Mear hee dut al earder komiek spöln, want in [[1989]] krig'e he de Persoonlikheaidspries van t [[Kammeretn]], en in [[1990]] de jurypries van t [[Leaids Kabaret Festival]].
Met Krang krig Manuel in [[2000]] nen [[Zilvern Hoarp]]. In [[2001]] keump'e he in t niejs duurdet'e he tiedns t könnigwordnsbezeukkunnigwordnsbezeuk an [[Oaweriessel]] van [[Prins Willem-Alexander|Preens Wilm-Alexander]] en [[Maxima Zorreguieta]] zinnen pielekul oet de bokse haalt. Dit deed'e he, zear'e he, um de leu oawer ne [[Reppubliek]] te loatn deankn.
In [[2004]] skeaidt dr Krang met oet. Manuel geet allene verdan.
Seend t begin van [[2008]] hef Manuel wier nen niejn band: "André Manuel & De Ketterse Fanfare". Met disn band geet'e he vandaag an n dag duur t hele laand. Oonderwiel hef'e he doarmet al twee CD's oet-ebracht: Op Verzoek van de Goden (2008) en Tjuup!(2009).
Hee hef ook nog n bölken akteerd in de [[zeperiegesoapriege]] [[Van Jonge Leu en Oolde Groond]] van [[RTV Oost]]. Hierin spölt'e he ''Jens van Beantem'', nen peardetrainer den at duur n ongeval zelf nit mear kan peardriedn.
Vearder hef'e he nog zin eegn [[kollum|stukn]] in t radioprogramma ''De Andere Wereld'' van de [[IKON]]. In [[2012]] maakn he t ankondigingsmuzieksken vuur de komedieriege [[Groote Markt 30]] van [[RTV Oost]], saamn met [[Daniël Lohues]].
