Verskil tüsken versys van "Nedersaksische invloed op de Scandinavische talen"

[[Ofbeelding:Bryggen,_Bergen3.JPG|thumb|right|Bryggen (De Kade), een riege [[kontor|Hanze-handelshuzenkontoren]] bi'j Bargen, Noorwegen]]In de late [[middelieuwen]] bluuiden de Hanze, 't handelsverbond van steden in noord-Europa mit as belangriekste stad [[Lübeck]]. De taal van Lübeck en umstreken, 't Middelnederduuts, stund daorumme in groot anzien en wördden gebruukt as ''lingua franca'' onder kooplu, aander volk det wat veurstellen wol, en as schrifttaal. Vanof de 12e ieuw hef 't Hanzeverbond de handel in Scandinavië en in de [[Oostzee]] edomineerd. Kelonies van Nederduutstalige kooplu, ambachtsvolk en bestuurders vestigden heur in Scandinavische steden as [[Oslo]], [[Bargen (Noorwegen)|Bargen]], [[Visby]], [[Stockholm]], [[Malmö]] enzowieder. Stockholm gruuiden uut töt een een belangrieke handelsstad deur verdragen mit Lübeck, en van 1296 töt 1478 bestund de stadsraod uut een geliek antal Zweedstaligen en Nederduutstaligen.