Verskil tüsken versys van "Otto III van Hollaand"

Otto was de tweede zönne van groaf [[Willem I van Hollaand]] en [[Aleid van Geelre]]. Hee wör in [[1233]] as bisskop ekeuzn, mer umdet de Utrechtse [[kapittel]]s dwars leadn, wör he pas in [[1245]] in ewiedt. Hee wör n krachtdoadig leaider den't vuural drok was met wearldse zaakn, zo as t oflössen van de skooldn dee't zinne vuurgangers hadn op ebouwd, en t verstewigen van de diekn. Doo't zin breur [[Floris IV van Hollaand]] in [[1234]] oet de tied köm bie n toernooi in [[Fraankriek]], wör he voogd van den zin zönnke [[Willem II van Hollaand|Willem II]] den't toen met zeuwn joar al keuning wör, en kreeg he t groafskop Hollaand in t behear. Hee maakn met leagerhulpe van Willem II n eande an de opstaandn in [[Dreante]] en [[Sallaand]], dee't zinn vuurganger Otto II nog t leawn har ekost tiedns de [[Slag bi'j AneAone|Slag bie AneAone]]. Ook kreeg he de hearn van [[Goor]] dr oonder, bievuurbeeld duur [[Riessen]] stadrecht too te kenn en dus n deel van de Goorse inkomsten vort te nemn.