Verskil tüsken versys van "Evangely når Filippus"

Et bestiet uut 'n 100 en 1 maol wiesheidspreuken, wulke nie snelle te begriepen is en zeker 'n bepaolde gnostische kennis en meditatie is hier neudig. De uutspraken, of stukkies, wöd ok wel 'logions' enuumt. De tekste wöd wel 't Evangelie van Filippus enuumt, maor de ienigste keere det Filippus d'r in veurkump is in logion 72. Et mysterie van 't bruudsvertrek stiet centraal in dit vrog christelijke wark, zo verienigt ok Christus 'Adam' en 'Eva' in 't spirretwele bruudsvertrek, symbool van de herieniging van de meense met zien godsvonk. Ok hef Maria van Magdala een antal keer 'n duudelike rolle, wat ok typerend is veur de gnostische geschriften, want de karke hef heur altieden wegvört emoffeld en heur verdrungen töt iemand die zi'j völgsvolgs de vrogge christenen en gnostici nie waar: iene van de trouwste leerlingen van Jezus, en en sömmige teksten kump zölfs veur det Jezus en Maria van Magdala mekare kusten.