Verskil tüsken versys van "Arianisme"

't '''Arianisme''' was, naos 't [[Katholicisme]], 'n invloedrieke streuming in 't vrogge [[christendom]]. De name is of-eleid van [[Arius]] (256?-336), de veurman van de deenkrichting. De stroming accepteert 't dogma van de [[drie-ienheid]] nie. Zowel [[Jezus]] as de [[Heilige Geest]] bint volgens Arianen scheppingen van [[God]]. Jezus is onder-eschikt an God en de Heilige Geeste an God en Jezus. In de vierde eeuwe veroorzaakten de mening groten onrust onder de geleuvigen. Ze kregen de steun van völle [[bisschoppen]] en breidden zich snelle uut binnen 't riek. De belangriekste tegenstaander was Athanasius (295?-373).

 

Onder invloed van de Griekse [[filesefie|filesofie]] en de [[gnostiek]] verwörp Arius de centraole gedachte dat Jezus, de Zeune van God, ok God zölf zol wezen. Arius beweren dat Jezus 't eerst eschaopen schepsel was. Zowel Jezus as de Heilige Geest wörd eziene as schepping van God de Va, die onder-eschikt bint. Jezus is hierbi'j allinnig onder-eschikt an God, terwel de Heilige Geeste onder-eschikt is an zowel Jezus as God. De leer dat Christus de zeune van God is en ok God zölf, is fundementeel veur 't Katholieke en Protestaanse christelijke geleuf.

 

Tiedens Concilie van Nicea in 325 wördt 't Arianisme offesjeel as ketteri'je bestempeld. In de [[geleufsbeliedenis van Nicea]] wördt benaodrokt dat God en zien zeune ‘van dezölfde substaantie’ bint. Nao ‘Nicea’ blef de streuming zich uutbreiden. Tiedens 't Concilie van Constantinopel in 381 volgt 'n ni'je veroordeling. Keizer Theodosius I hef hier strenge op-etreden tegen de ‘ketters’ en rond 400 is 't Arianisme zo goed as verdwenen.