Helgolaand

Helgolaand (Noordfries: Deät Lun (Het Laand), Ingels: Heligoland, Duuts: Helgoland ) is een eilaand in de Noordzee en een gemeente in et Kreis Pinneberg. Vroeger het et eilaantien diel uutmaekt van Denemarken en Groot-Brittannie, mar tegenwaoreg heurt et bij Duutslaand. Op et eilaand praoten de meensken oorspronkelik et Halunder freesk, et Noordfries van et eilaand. Daornaost wodt op Helgolaand Platduuts praot en veural Hoogduuts. Et eilaand is bekend om et Friesen-droapen dat om de drie jaor holden wodt. Et eilaand is gien onderdiel van et douanegebied van de Europese Unie, waordaor de priezen van produkten as sigaretten, alkohol en parfum behoorlik laog bin.

Et hoofdeilaand mit daorachter et eilaantien Düne

Helgolaand het een oppervlak van 1,7 km² en het 1.131 inwoners. Op et eilaand leit een straantien, mar et eilaand is veural bekend om zien roodkleurde rotskust. Et hoogste punt van et eilaand is 61 meter, de Pinneberg. Sinds de storm van 1720/21 bestaot et eigenlik uut twee eilaanden:

• Et hoofdeilaand Helgolaand mit de rode rotskust en zien buppelun (bovenlaand, Duuts: „Oberland“) en deellun (onderlaand, Duuts: „Unterland“)
• et kleinere eilaantien Düne, wat as ien grote duun meer liekt op een Waddeneilaand.

Dit artikel is skreaven in et stellingwarvsk.