Falaises d'Entrecasteaux

De Falaises d'Entrecasteaux (Tweants: Klifn van Entrecasteaux), nöamd noar n 18n-joarhönnerdn Fraansn navigoator Bruni d'Entrecasteaux, bestoat oet de klifn van Île Amsterdam en kömt oawer de 700 meter heug en leg laanks de westköste. t Leg öp Île Amsterdam, n kleain Fraans territorium in t zuudn van n Indiesen Oseoan.

Sattelietfotoo van Île Amsterdam met de Falaises d'Entrecasteaux an de westköste van t eailaand.

n Indiesen geelsnoekensalbatros kömp machtig veur öp t eailaand.

Wichtig Vögelgebeed

De westelike kösteliende van t eailaand, inklusief de klifn, bint n 360 ha gröt Wichtig Vögelgebeed moakt deur BirdLife International ömde't eane van de grötste Indiese geelsnoekensalbatrösse-populoasies van n wearld hef met 19.000 pöare, önnevear 20% van de wearldpopuloasie. Ok bint d'r 240 Zwärte albatrösse. D'r is ok ne grötte rotspinguïn-kolonie met önnevear 25.000 pöare. Twea seurte, de normoale en donsstormvogel, dee zeldzoam wörn bint öp t eailaand deurdet d'r öp öar joagd wörn deur rätte en kätte, broodt woarskienlik ok in t gebeed. D'r is ne grötte populoasie van subantarktiese zeabeern in t Wichtige Vögelgebeed. Tiene endemiese geleedpeutigen bint hier vöndn .

De vegetoasie, woar drea endemiese plänteseurte in te veendn bint, wör dömineard deur bosgrässe en rusn dee't dichtst öp mekoar zitt an n voot van de klifn. Deur de önbereaikboarheaid van de klifn is de vegetoasie öp de klifraandn nöch neujt begröasd deur t vea det öp t eailaand wön.