Verskil tüsken versys van "Breemn"

'''Breemn''' ([[Hoogduuts]]: ''Bremen'') is ne stad in t noordn van [[Duutslaand]]. Te hope met [[Bremershaawn]] vörmt t de [[deelstoat]] [[Vrieje Haanzestad Breemn]]. Met 548.319 inwonners is t de neegnde-grötste stad van Duutslaand.

 

Breemn wörd vuur t eerste neumd in [[782]]. Vief joar doarop stichten [[Koarel n Grootn]] n bisdom en wör de stad oetvalsbasis vuur de [[bekearing]] noar t [[Kristendom]] van noord Europa. 1260 köm de stad bie t [[Haanzetied|Haanzeverboond]], mer doar wördn ze töt dreemoal too oet ezat. Tiedns n [[Tweede Wereldoorlog|Tweedn Wearldoorlog]] wör Breemn vuur mear as de helfte platbombardeerd.

 

Noar Breemn is t sprökske van de [[Bremer stadsmuzikaantn]] neumd. De muzikaantn hebt n staandbeeld ekreegn. n Aander kenteekn vuur de stad is t [[Rolandstaandbeeld]] oet [[1404]] wat de vrieheaid van de stad vuur mut steln. Beaide beeldn stoat vuur t Roadhoes, wat op zikzelf n belangriek [[Gotiese bouwstiel|Goties]] bouwwoark is, met ne vuurgallerieje in de stiel van de [[Wezerrenaissance]]. t Rolandbeeld en t oolde roadhoes stoat seend [[2004]] beaide op de [[Wereldarfgoedlieste|Wereldoarfgoodlieste]] van [[UNESCO]].

 

Seend [[1920]] hef Breemn ne eegne lochthaawn, ne [[universiteat]] ([[1970]]) en n vootbalstadion (t ''Weserstadion'') woer't ene van Duutslaands meest suksesvolle vootbalklubs spölt: [[Werder Bremen]]. t Grötste fabriek is van [[auto]]maker [[Daimler]].

 

 

<gallery>

</gallery>

 

 

[[Kategorie:Vrieje Haanzestad Bremen]]