Verskil tüsken versys van "Tweekamp"

Nen '''Tweekamp''' of ''duel'' ([[Latien]]: ''duellum'') is n, mangs vri-jwillig, gewelddoadeg treffen tussen twee leu, vake noa ne uutdaging van éne van beide deelnemmers deur ne [[hanse]] veur den anderen ziene veute te smieten. Wee de hanse oppakt, zo wol den reagel, nömp de uutdaging an. In West-Europa vönden tweekampen geregeld plaatse tot an et beginne van de 20ste eeuwe, howal de umstaandigheid van laand tot laand verskilden. Vandage bunt tweekampen in alle West-Europese laanden bi-j wet verboaden.

 

De uutdrökking ''wee de hanse pakt'' is of-eleid van et eertieds gebrukeleke oppenings[[ritueel]].

 

In [[1881]] wodden in et Nederlandse [[Wetbook van Strafrecht]] et uutdagen tot en annemmen van nen tweekamp uutslutend strafboar esteld wanneer doarop doadwarkelek nen tweekamp plaatsvond. Doar was allenig sproake van nen tweakamp as doarbi-j getugen anweazig waren. Dizze tooveuging in et Wetbook van Strafrechte deenden um te veurkommen dat de verholdingsgewies laege straffen rundumme nen tweekamp unterecht too-epast zollen wödden wanneer nen verdachten unterecht zol zeggen dat der sproake zol wean van nen tweekamp.<ref name="Matthey">Een herinnering aan barbaarsche tijden: Nederlanders en het duel, 1800-2000, Ignaz Matthey (2005)</ref> Tot [[1 februari]] [[2006]] wodden den tweekamp nog apart strafboar esteld in et Nederlandse Wetbook van Strafrecht in den artikelen 152 tot en mit 156. Der bestoanden toon nog vri-j gunstige strafrechteleke bepoalingen rundumme den tweekamp. Vandage wöd nen tweekamp berecht under de gewone wetsartikelen rundumme [[moord]], [[doodslag]] en [[mishandeling]].

 

Tweekampen tussen officieren van den kriegsmacht kwamen verholdingsgewies vaker veur dan tussen börgerleu. Et Wetbook van Kriegs Strafrecht vermeldden tot de herzening van [[1990]] tweekampen in n ofzunderlek artikel.

 

 

<references/>

 

[[Kategorie:Geschiedenis]]