Vroggerzeerte hef de klaank van nie te passe teruggekieken noar 't verlidden. ”Wee'j nog wel olden.” Votdreumen noar 'n tied woarin de weerld nog oaverzichtlik was. Iej heurt dan zinnenheur dan dingen zeggen as: “Och keerl, toe ko'j nog van mekare op an.” Of: “Wi-j stunden ait veur mekare kloar, maar noe…” Dan voolgt ter zinnen oaver verloedering in de buurte, oaver kinders of kleankinders die gien tied meer veur ow hebt. Wie goed lustert, heurt hoe meansen de weerld woarin zi-j leeft as onveilig beleeft. Allemoale veur zich en gien God meer veur oens allen. Dat kan goan tut bangigheid en tut 'n krang leven.
