[[Bestaand:Dürer_Melancholia_I.jpg|250px|thumb|De beroemde gravure ''melencolia'' van [[Albrecht Dürer]]]]
'''Melancholie''' (Nedersaksies: '''vroggerzeerte''') is 'n gevuul, woar iej vake lange is blieft hangen, die körtbi-j [[depressie|depressiviteit]] lig. Aans as depressiviteit kump vroggerzeerte, zo as de Nedersaksiese name al zeg, deur 't verlidden of 'n verlangen die'j nie kwiet ewörden bint. De beduding melancholie kump uut 't Grieksen μελας (melas: zwart) en χολη (cholè: gal. 't Wörd dan ok wel es '''zwartgalligheid''' an-eduud.
==Bi-j olden==
Vroggerzeerte hef de klaank van nie te passe teruggekieken noar 't verlidden. ”Wee'j nog wel olden.” Votdreumen noar 'n tied woarin de weerld nog oaverzichtlik was. Iej heurt dan heur dan dingen zeggen as: “Och keerl, toe ko'j nog van mekare op an.” Of: “Wi-j stunden ait veur mekare kloar, maar noe…” Dan voolgt ter zinnen oaver verloedering in de buurte, oaver kinders of kleankinders die gien tied meer veur ow hebt. Wie goed lustert, heurt hoe meansen de weerld woarin zi-j leeft as onveilig beleeft. Allemoale veur zich en gien God meer veur oens allen. Dat kan goan tut bangigheid en tut 'n krang leven.
