Verskil tüsken versys van "Skots"

t '''Skots''' (ook '''Anglo-Skots''' of '''Leeglaand-Skots''', ien t Skots zulf: ''Scots leid'') is n [[West-Germoanse toalen|Westgermoanse toal]] dij proat wordt ien [[Skotlaand]]. t Wordt veuraal proat ien de Skottische Leeglanden, op t maist noordelke puntje van de Skottische Hooglanden en ien n lutje gebied ien [[Ulster]]. Doarnoast wordt t ook proat ien kolonioale gebieden zo as Oost [[Kannede|Kanada]]. t Is verwaant aan t Engels, môr ook aan de kontinentoale Westgermoanse toalen. t Is ontstoan dou de [[Angeln]], [[Saksen (vôlk)|Saksen]] en [[Jutten]] noar [[Brittanië (eilaand)|Brittannie]] trokken. Ien dij tied binnen de oorspronkelke Keltische vôlker noar de oetìnden van t aailaand dreven, woarvan de Skottische Hooglaanden ook bie heuren. Ien de Leeglanden wörren [[Anglo-saksisch]]e dialekten proat. Dizzent wörren beienvloud deur de Keltische dialekten ien t noorden. Doarnoast het t [[Engels]] ienvlouden had vanoet t [[Fraans]], dij ien t Skots veul minder iendrongen binnen. Man kin dus sèggen dat t Skots meer Germoans is as t Engels. t Skots het tegenswoordeg nog om en bie 1.500.000 spreker. t Is opnomen worden onder dail 2 van t [[Europees Haandves veur regionale talen of talen van minderheen|Uropees Haandvest veur Regionoale en Minderhaidsstoalen]], liek as t [[Leegsaksisch]] en t [[Limburgs|Lìmbörgs]].

 

[[Kategorie:Grunnegs artikel]]

[[Kategorie:Germaanse taol]]