[[Bestaand: Gaius Cornelius Tacitus.jpg|thumb|right|200px|Publius Cornelius Tacitus]]
''Publius Cornelius Tacitus'' (ong. [[50]]-[[120]]) was nen [[Romeinse Riek|Romeinsen]] geschiedenisoonderzeuker en skriewer en [[köjermeaister|sprekmeaister]]. Vake wördt hee neumd as n grötstn geschiedenisoonderzeuker van t Roomske Riek. Hee keus dudelik de [[republikein]]se regearingsvörm boawn de [[keaizer]]s. Hee beskreef keaizers net zo gewoon as t gewone volk en gavn doarumme ne gooegode kiek op t leawn van toewtoen.
== Leawn ==
Tacitus wör wellichwellicht in [[55]] n. Chr. geboorn in ne laandelike femilie oet Gallia Narbonensis ([[Fréjus]] of [[Vaison-la-Romaine]]) of [[Gallia Cisalpina]] ([[Padua]]). In [[77]] trouwdn hee met n dochter van n roadsman van det joar, [[Gnaius Lulius Agricola]]. Den wördt in [[84]] terugge haald oet [[Brittania]] duur [[Domitianus]]. Van Agricola wör doarnoa neet völle mear vernömn totdet hee oet de tied köm in [[93]]. Zinn oarfenis gung an Tacitus an de neuze vuurbie.
Mear toch wus Tacitus n goodn naamnnaam op te bouwn. Eankele joarn noa zin trouwn was hee woarskienlik al ''XX-vir'' (leaidsman van n priesterroad van 20 man). Van G. Alföldy keump t idee det Tacitus duur [[Titus]] is an eduudt as [[quaestor augusti]] (eenn den at de preakn van n keaizer skreef en vuurdreug), duur ne grafsteen an de [[Via Nomentana]] in [[Rome]]. Woarskienlik hef hee dit woark edoan van 80 - 82. Op n 13en september 81 köm Titus oet de tied, en köm Tacitus in n [[Senaat]] as [[Homo Novus]] (eenn den as eerste oet zinne femilie in n Senaat keump). Ook blik oet zin grafskrift det hee in 84 of 85 t anbod van börgemeaister van Rome ofsleug en direkt volkstribuun (''[[tribunus plebis]]'') wör. In 88 was hee ''vuurganger'' ([[praetor]]) in de rechtsproak en heurdn hee bie n priesterroad van Vieftene, woerduur at hee völle anzeen kreeg. In 89 wördt hee oet ezeundn noar ene van de Roomske proveensies. Hieroawer is neet völle bekeand.
Toew keaizer [[Domitianus]] op 18 september [[96]] wör umme bracht, wör Tacitus ekeuzn tot [[Consul Suffectus]] (vervangnd roadshear) vuur t joar [[97]]. Oonder n niejn keaizer [[Trajanus]] köm hee völle an geskiedenisskriewn too en beheurdn hee tot de politieke top. In 112 en 113 was hee leaidsman oawer de proveensie [[Asia]], wat nen slim gewilden post was. In ongevear 120 köm hee oet de tied.
