Verskil tüsken versys van "Brazilië"
Verwijderde inhoud Toegevoegde inhoud
Regel 140:
=== Rechtevoort ===
[[File:Brasília Edificios.jpg|thumb|Oetzicht op Brasília. Den niejen heuwdstad van Brazilië wör in 1960 ebouwd.]]
Noa Vargas' zelfmoard warren der korte tiedelike regaeringen. [[Juscelino Kubitschek]] wör in [[1956]] presidaent. Hee was verzoenend tegenoawer zinne politieke tegenstaanders, woerduur as hee zoonder völle grote krises regaeren kon. Doarduur gröaiden ook de ekonomie en de industrie beheurlik. Toch was zien grötste woapenfeit de bouw van de nieje heuwdstad [[Brasília]], dee in [[1960]] kloar was. [[Jânio Quadros]] volgden um op, den nog gin joar deenst har en alwier oftreud. Zinnen oonderpresidaent [[João Goulart]] nöm et oawer, mer den kreeg völle tegenstaand. Hee wör of ezat in [[1964]] noa wier nen stoatsgreep, woernoa Brazilië wier oonder laegerbesteur köm.
Et nieje regime zol tiedelik woarken en de macht haenig oawerdraegen, mer in plaatse doarvan wör et alverdan meer nen volledigen diktatuur. Neet allene vechters tegen et regime wörden oonderdrukt, mer ook keunsteners, journalisten en aandere börgers. Ze deden dit zelfs boeten et laand, met et beruchte [[Operatie Kondor]]. Skoonwal et een wreed regime was, wör et toch eprezen duurdet et zorgen vuur nen onmeundigen gröai van de ekonomie in de zeuwentiger joaren.
Toch kon et regime neet vuurkommen det ze oonder druk van de ekonomiese krisis en stillen tegenstaand van et volk wier oawer mossen op demokrasie. In [[1979]] wör ne Amnestiewet an enömmen. Gedoerende de tachtiger joaren roonden Brazilië den oawergaank op demokrasie of. In [[1985]] wör de eerste börgerregaering wier ekeuzen. [[José Sarney]] was presidaent, mer et lukken um neet um de ekonomie wier op de rit te kriegen en wat an de hyperinflasie van tiedens et regime te doon.
Der volgden nog verskaeidene aandere regaeringswessels dee ginne van allen ne oplössing vuur de ekonomiese problemen hadden. Mer in [[1994]] köm Beursminister [[Fernando Henrique Cardoso]] met zin [[Plano Real]], wat wal slaagden. Aendelik kreeg Brazilië de stabiele ekonomie dee as ze zöchten. Cardoso wör doarnoa twee moal as presidaent ekeuzen.
Noa de verkiezingen van [[2002]] gung de presidaentsmacht zoonder problemen oawer van Cardoso noar [[Luís Inácio Lula da Silva]]. Zo bleek at Brazilië een politiek stabiel laand ewörden was. Lula wör in 2011 op evolget duur [[Dilma Rousseff]], de eerste vrouwelike presidaente van et laand.
In juni 2013 wör dr in heel Brazilië protesteerd, inspireerd duur gebuurtenissen as de [[Arabiese Leante]] en Occupy Wall Street. In et begin was et allene te doon um de deurdere priezen vuur et openboare vervoor. De protesten wörden hard oet mekoar ehöwwen duur de stoatspolitsie, woer as de leu juust nog helliger van wörden. Doarop wör der ook protesteerd um verskaeidene aandere zaken, zo as de geeldverkwisting vuur nieje vootbalstadions vuur de [[Waerldkampioenskappen Vootbal 2014]], verbettering van openboare deenste, umkoopboarhaeid en een anpassingsvuurstel vuur de groondwet, de PEC 37, dee duur wat leu ezeen wörd as ne poging um umkoopboarhaeidsbestrieding tegen te woarken.
== Ekonomie ==
[[File:Embraer 190.jpg|thumb|275x275px|Een Embraer E-190 vleegtuug. De Embraer-fabriek is de doarde grötste vleegtugenmaker van de waerld.]]
Brazilië hef de grötste nasjonale ekonomie van Latiens-Amerika. Et is de zeuwende grötste ekonomie in haandelsoetwesseling en koopkracht. Der wörd emaend det ze in de top vief komt binnen non en aenkele tientallen joaren. Et hudige duursnee loon is $ 12.528 (in 2014). Der köant 107 miljoen Brazilianen hen woarken en doarvan löp 6,2% bie de dure.
Brazilië hef völle verskaeidene natuurlike groondstoffen. Brazilië is al 150 joar de grötste koffieoetvoorder van de waerld. Oonderwiel is et de veerde grötste autofabrikaant van de waerld ewörden. De belangriekste oetvoorprodukte zeent vleegtuge, elektriese apparaten, auto's, ethanol, stoffen, skone, iezer, stoal, koffie, sinasappelsap, sojabonen en blikvleis.
Öaren meunt, den real, hungen ze op an den Amerikaansen dollar in 1994. Mer noa den Oost-Aziatiesen krisis, den Russiesen Roebelkrisis in 1998 en een antal beurzetegenvallers besleut de Sentrale Braziliaanse Baanke öaren meunt op de vrieje moarkt lös te loaten.
Umkeuperieje is een groot probleem in Brazilië en et kost öar zowat $ 41 miljoen per joar. Zowat 70% van de grote Braziliaanse bedriewe maent at det ene van de grötste blokkades is um op de waerldmoarkt met te können. Umkoperieje van lokaal besteur is zo gewoon det stemmers et allene slim goat veenden as et vuurbie ne bepoalde greanze keump.
=== Toerisme ===
[[Bestaand:Iguazu Falls Foz do Iguaçu PR Brazil.JPG|thumb|240x240px|De Iguazu-watervallen in [[Paraná]], op de graenze met [[Argentinië]], trekt völle toeristen. ]]
[[Bestaand:Praia da Armação - Sul da Ilha 02.JPG|left|thumb|315x315px|Et straand van Armação.]]
Toerisme keump alverdan meer op gaank en löt de ekonomie vuural in een antal strekken gröaien. Et laand har 5 miljoen bezeukers in 2010. Det laewerden et laand $ 6 miljard op. In 2011 wör der een rekord van 5,4 miljoen bezeukers en $ 6,8 miljard an umzet ehaald.
De meeste toeristen komt of op natuurgebeden. Ze doot an ne kombinasie van ekotoerisme en plezeer en vermaak. Ze kiest vuur zunne en straand, verkenningstochten en kulturele toers. De meestbezöchte plekken zeent et Amazoneraegenwoold, straanden en doenen in et noordoosten, den Pantanal in et middenwesten, straanden van Rio de Janeiro en Santa Catarina, kultuurbezeuk an Minas Gerais en zakenreiskes noar São Paulo.
Brazilië is oardig geunstig vuur zaken in toerisme. Et hef völle natuurlike zeenswaerdigheden en kulturele plekken. Noadelen an Brazilië zeent de slechte waegen,hoge belastingen op tickets en lochthawentooslagen. Vaeligheid is in de grote staeden nog aait neet al te best, mer duur mekoar hef et laand et beheurlik an epakt.
Der goat meer Braziliaanse toeristen noar et boetenlaand dan der boetenlaandse toeristen noar Brazilië goat. Hierduur krie'j een negatief oetwesselingssaldo. In 2006 woarkden der 1,9 miljoen leu rechtstreeks in de toeristiese tak van de ekonomie. Brazilianen goat völle binnenslaands met vakaansie; ongevear 51 miljoen leu in 2005. Det laewerden Brazilië $ 22 miljoen op; vief moal zovölle as van internasjonale toeristen.
De meeste internasjonale toeristen goat noar de staeden Rio de Janeiro, Foz do Iguaçu, São Paolo, Florianópolis en Salvador. Zakenreiskes goat vake noar São Paulo, Rio de Janeiro en Porto Alegre.
[[File:Rio de Janeiro Corcovadoview crop1.jpg|centre|thumb|1121x1121px|Oetzicht op Rio de Janeiro, de oolde heuwdstad van Brazilië en ene van de meest geleewde staeden bie toeristen.]]
==Uutgaonde verwiezingen==
{{Commonscat|Brasil}}
| |||