[[Bestaand:Dürer_Melancholia_I.jpg|250px|thumb|De beroemde gravure ''melencolia'' van [[Albrecht Dürer]]]]
'''Melangolie''', of: '''duusterkieken''' is nenn'n gefuul, woor iejie fake lange op blieft hangen, dennenden körtbi-j depressifiteit lig. Aans as depressifiteit kömp duusterkieken deur 't ferlidden of nenn'n ferlangen die'j nie kwiet ewörden bint. D', algemiene of, Nederlaandse beduding melangolie kömp uut 't Grieksen μελας (melas: zwart) en χολη (cholè: gal).
Met duusterkieken kan 't wèèn da'j nie te passe terugge kiekt op 't ferlidden an. Da'j oewoe nenn'n kop zet noar nenn'n tied woorin de weerld nog nie zoo muilik in mekare zaten. IejIe heurt ok wel ienses oaldereoalere luu dingen zeggen as: "Og keerl, toe ko'jw nog fan mekare op an." of "Wi-j stunden aid feur mekare kloor, maa noe…". Dan goat ze klagen oafer ferloedering op de buurte, oafer de kinder of kleankinder dennenden gien tied meer feur heur hebt. Meansen wörd de weerld woorin zi-j leeft as nie-feilig gewaar. Allemoale feur zig en gien God meer feur oons allen. Dat kan goan töt bangigheid en töt nenn'n benauwdkrap lèfen.
A'j psiegologen en psiegiaters mangs heurt, dan proat zi-j oafer duusterkieken as d' oale beduding feur nenn'n depressie met psiegotiese trekkies. Ienene kan 't hum op iene moal allemoale niks meer sgelen, hi-j hef ter gien wille meer an, arns interesse of plezier an hebben is oafer. Dit kömp deur dat ienene 't op zienen kop ekrègen hef dat e nenn'n weerdelozen is en dat e niks bereikt hef. 't Is nenn'n gefuul wat ienene zig zoo heuge op nenn'n kop kriegen kan, dat 't hum op 't raandtie zet. Op disse wieze kan duusterkieken oewzölfoezölf kepot maken. Uut de tied wèèn is dan better as dat lèfensbangige.
Duusterkiekende meansen kunt heur galle speien oafer zoo'n bettie alles hen; oafer heur eagen lèfen, oafer aanderenaander en oafer nenn'n helen weerld. Meansen kunt zo ferre kommen dat ze zigzölf uut de tied hölpt. Ienene kan ok arrig last kriegen fan froggerzeerte noar 't ferlidden an en hebt gien besten kiek op de toekomst en bint ok bange feur 't frömden. Ienene kan op disse wieze magtig agressief wörden. 't Hef ok bi-jna aid nenn'n aander edoane.
