Ik heb aorighied an et Stellingwerfs en daorveur schrief ik as ik tied heb og graege een artikeltien.
Ik ben hier een gelegenhiedsschriever en heb aorighied an et Stellingwerfs.
== Mien driefveer ==
Een apatte Wikipedia veur mien taelegien hadde grif nog vule mooier west, mar d'r blieft altied nog wel wat te wensen over. Wensen blieven d'r altied en iene daorvan is betien ruumte veur et Stellingwerfs. Now he'k et niet over meer erkenning veur et Nedersaksisch, mar bijgelieks wel over een Wikipedia waor de hobbyisten heur uutleven kunnen. Ik heb d'r gewoon aorighied an. En ok al wodt et niet meer praot onder de jeugd, et is meroakels mooi dat d'r veur de hobbyisten zo'n plakken op et wereldwiede web is.
== Wa'k hier zoal schreven heb ==
*Artikelen waor ik mit begonnen bin: [[De Stellingwarver Schrieveri'je Pries]], [[Hendrik Johannes Bergveld]].
*Artikelen waor ik niet mit begonnen bin, mar waor ik wel een aorige bijdrage leverd heb: [[Stellingwarfs]].
*Daornaost nog een hiele protte kleine bewerkingen.
Mien naeme is niet Stellingw'''a'''rver mar Stellingw'''e'''rver. Soms kuj' de a wel heuren, mit naeme in Ooststellingwerf, mar veur de meensken om mij henne liekt dat meer Drents. Zo is d'r nog wel meer variaosie in et Stellingwerfs. Sommige meensken zeggen ''anders'', anderen weer ''aanders'' en dan bestaot d'r ok nog de variaant ''eers''.
== Kot over et Stellignwerfs ==
Zoaj' an mien naeme wel zien kunnen kom ik uut de Stellingwerven. "Waoromme schrieven ie dat dan niet as Stellingw'''a'''rven?" Now, dat is omdat ik uut et westelike diel van Stellingwerf-Westaende kom en daore zeggen we Stellingwerven. Zo bin d'r nog wel meer dingegies die bij (niet ''bi'j'') oons anders (niet ''aanders'' of ''eers'') bin. A'k hier dan schrief pas ik mij wel een betien an, zodat de Stellingwerver stokken niet al te vule van mekeer verschillen.
