De ree hef ’n zaandgele töt roodbroene zommervachte, winters is disse meer 'n griesbroene töt zwarte kleur. Volwassen ree’n hebt gien vlekken. De witte töt gelige rompvlekke is duudlik te zien. Bi-j mannegiesmännegies is disse vlekke zommers oardig duudlik. n Neuse is zwart en de kinne is wit. De stat is oarig klean (tweeë töt viere centimeter laank) en allinnig te zien as e dret. Winters stek bi-j et vrouwgie ’n bössie witte hoaren tussen ’n achterpeuten noar achter, wat op ’n stat lek.
’n Volwassen mannegiemännegie (reebok) hef ’n simpel gewei, wat vake tweeë töt drieë punten hef. Reebokken met viere of vieve punten zie'j mar heul mangs. Et gewei is vake 25 centimeter laank. Winters gruit ’t gewei, en de basthuud schoert zi-j tussen meert en juli d'r of. Tussen oktober en janeworie giet ’t gewei d’r of. ’n Eankele moal he’j der ok 'n vrouwgie (reegeit) bi-j zitten die ’n gewei op ’n kop hef. ’n JonkeJonken reebok van ’n joar oold met allinnig twee knöppies wödt ok wel ’n knopbok enuumd. Wenneer as ’t gewei der nog gien vertakkings op hef, nuumt ze din ’n spitser, din bint van 'n leeftied um en noabi-j twee joar. ’n Gaffel hef iene vertakking. Pas ter wel op da’j deankt dat ’t antal vertakkings gelieke is an de leeftied. Ok iene van ’n joar kan al ’n Gaffelgewei of ’n Zesendergewei op ’n kop hebben. Di’s arflik en evörmpt noar de umstaandigheden woar as ’n bok in zit. OoldereOolderen reebokken hebt meestentieds ’n Zesender, met tweeë of drieë punten. Op latere leeftied zollen ze weer ’n gewei kunnen kriegen zonder vertakkings.
De ree hef ’n kop-rompleankte van 95 töt 140 centimeter, ’n zwoarte van 16 töt 35 gram en ’n skoolderhoogte tussen 60 en 90 centimeter. MannegiesMännegies bint oaver et algemien groter as de vrouwgies. MannegiesMännegies hebt gemiddeld ’n skoolderhoogte van 64 töt 67 centimeter, vrouwgies van 63 töt 67 centimeter.
