Verskil tüsken versys van "Hardenbarg (stad)"

Verwijderde inhoud Toegevoegde inhoud
NGolds20 (Oaverleg | bydragen)
NGolds20 (Oaverleg | bydragen)
Regel 102:
 
==reurig 'n Arnbarg==
In de joarn '70 en '80 was 'n Arnbarg dé uutgoans-plekke van noord-oost Oaveriessel. Van Zwolle, Almelo, Drenthe en alle kaantn kwaam doarhier luujonkvolk zoepnzich en achter de wievies anuutleevn. Et was hen- en wérden loopn van jonkvolk in de wiekendn. n Stad barstn van de diskotheekn en kroegn. Mar da's de leste joarn slim achteruut egoane. Et bint noe meerndeels winkels ewödn.
 
Gwoonlik gung 't spul 2:00u allemoale dichte, end joarn '70. En al 't bezeupn volk gungn nog in 't centrum hen donderjaagn en brekkn. De ondernemmers wödn doar nie goed van. Dus vanof eerste wekke december '79 mossn de kroegn, vanuut de burgemeester, de tente 00:30u dichte doen. Dus aanderhalf uur eerder as veurhen. Dat hebt de kroeggangers nie mooi evunn. De wiekendn d'r op hebt der slimme relln in 't sentrum ewest. Grote groepn kroeggangers, teegn de duuznd tötaal, die et opnaamn teegn de pliesie, die met verstarkte manschoppn met knuppels en skildn -de ME- an mossn treedn. Völle ondernemmers mossn ankiekn hoe as eur winkels kepot emaakt wödn. flink wat stienn vleugn deur de roetn, pliesie-auto's op de kaante, vuurwark wödn der gooit, meansn zöchn 'n veilig henkomm, jonkvolk die t asfalt van dichtebi-j mochn bekiekn, stroatn wödn of-ezet en 't verkeer ummeleidt, de burgermeester mos veur 't leevn uutkiekn en 't hele sentrum stunn op zienn kop. 'Hardenberg, slachtveld' spreukn de kraantn der van. wiekend d'r op kwamen der spandoekn an te pas én völle pottnkiekers. 't Gungn weer net zo an as de wekke derveur. Mar de pliesie was noe wat better veurbereid. 't Wiekend der op was 't ietsies röstiger. Deur 't harde optreedn van de pliesie, en 't jonkvolk die zich toch mar eem achter de oorn krabtn, was 't noe wel edoane met 't grootste gedonder. Diskotheek The City sleutn zich de deurn, töt zich de röste in 'n Arnbarg trugge keern.