De verhalen oaver Galilea Major begunt met de priester Johan Clemme uut Hessen. Hi-j haar toe 'n antal vreume keerls met enömmen op [[Sibculo]] an. Hier begunnen 'e in 't joar 1403 met 't stichtenopbouwen van 't klooster Galilea Major. Iene van zien metgezelln had zölfs zien vrouwe achter eloatn umm' zien leevn an God te wiedn. Joarn hebt ze te doen te marteln en verdan ewarkt op dat drassige venne. Mar zie haadn 't veur mekare ekreegn umm' 'n slim b'langriek klooster neer te zettn. Van hier uut bint ze ok mede verantwoordelik ewest veur 't ontstoan van 'n antal dorpn en boerskoppn. Zo as [[Old Banthum]], [[Kloosterhaar]], [[Bruunhoar]] en ok Sibculo zölf. Noa zo'n twee eewn van 'n best bestoan kwamp de [[Rifformatie]] op Oaveriessel an. Dít en saam met oorlogen en plunderingn hef 't ende betekkend veur 't klooster en zien gemeenschap. Hiernoa hef 't klooster eewn achteriene onbewoond der bi-j estoane. De netuur en de tied maakn zich der meester van. D'r is der noe dan ok nie völle van oaver ebleevn. De ruïnen ligt now onder 't zaand verscheuln, 't ienige wat nog te zien is bint 'n oale waterputte en 'n grafstien.
