Reen bint "''knabbelaars"'': hy et brümmels, bessen, twygen, schöten, knoppen en loten van strüken en böme as rosenstrüken en konneveren, krüden, grös, blader, nötten, paddenstulen en landbouwgewassen so as tülpen, grånen en kroppen. In et sommer döt he synen buuk vol an jonke bladtys, en in et harvst ok med ykels, wår knöppen en twygen in et winter meer wörd egetten. Hy is der årdig verdacht op dat he allenne de gesonde delen van de planten op et. Tüssen etten en herkauwen sit meestentyds so betty yne (in et sommer) töt twee üür (in et winter).
De ree is höäst altyd ganks by et düüsteren. Van september töt april is he allenne by nacht ganks. Van meey töt augüstüs is he dan wal weer oaverdags ganks, vöörnamelik op gebyden wår as he nyt estoord wörd sol he sich vaker oaverdag syn låten.
