Verskil tüsken versys van "Wikipedia:Praothoek"

 

* Ik binne der ouk med van meaning dat de regionale verskillen beholden blyven müt. Mar indåd, so as et hyrboaven al esegged is, is et jå höäste unmöägelik üm yts as Wikipedia alleyne ümme de taal te låten gån. Uutendelik skryve wy hyr ümme informaty an lüde döär te doon. So breyd möägelik düs. Mar in unse eigen taal en dårmed ouk unse denk-/vöölwyse. (A'k veur mi-jzölf schrieve doe'k dat gwoon nog in't Plat in de Nederlaanse schriefwieze, umda'k met't Plat en't Nederlaans beidn wies binne). En al dee hunderden skryvwysen en al die düsenden varianten wat y hebt in et sassisk, kryg y der hyrsoot wal een prüttelgy van. Pas had Martin ter Denge et up syn podcast (up youtube kanaal ''Sassisk Werldspråke'') et sülvs oaver een standaard-sassisk. So verre wil ik noch neet gån, mar et is seakers interessant en misskeen wal nöydig. Mar dan müt der wal teagen oaver kummen dat der dårnöäst rüümte blevt ümme mooi spöäls med uwen eigen plat te skryven. Binne manks wal bange dat de NyNassiske Skryvwyse dat betty vordnemt. Mar dår is ouk wal rüümte med te vinden denk ik. Alleyne neet up wikipedia, wår et gewoon 'dröyge' oaver informaty geyt. Ik gelöyve wal dat vöäle verskillen jüüste oaverleaving gevt, so as dat in de natuur ouk warkt. Mar der müt ouk eynheid kummen/weasen, anders is et elk-eyne up sichsülven en besteyt der düs geyn good ekosysteem. Ik neige toch når wal gewoon eyne vaste skryvwyse, vöär et heyle sassiske gedoo. Een skryvwyse wat u de rüümte gevt ümme mooi uwen eigen taal te skryven én misskeen sülvs een standaard-sassisk, wat dan wear vöär handel en informaty gebrüükt 'müt' wörden. Dårümme is de NySassiskee Skryvwyse denk ik wal een mooi begün. Ümdat dissend up et Oldassisk en de Hanse skryvtradity an terügge geyt. Een rechte lyne uut de geskydenisse uut. [[Gebruker:NGolds20|NGolds20]] ([[Overleg gebruker:NGolds20|overleg]]) 00:50, 1 sep 2018 (CEST)