'''Marhulsen''' was ne olde [[havezate]] in et [[Groafschap Zutfent]], previnsie [[Gelderlaand]], oostelek elaegen van [[Grolle]], en bi-j dat schependom an de [[Grolse Slinge|Slinge]] heurden et ok. Op dee havezate stoand nog in et lest van de [[19e eeuw|19de eeuwe]] n adellek hoes. In den anvang van de [[20e eeuw|20ste eeuwe]] was doar nog nen höf, woarin de fundamenten nog anwezzig bunt en n groot deel van de grachte en van den wal. Den lesten was 2,40 m hoge en lag rundumme et hoes. Tot dizze havezathe beheurden nen vri-jen jachtkrenge, net as et recht van de jacht in de [[heerlekheid]] [[Lechtenvoorde]], en deels in de heerlekheid [[Borklo]], en ok et recht op visseri-je in de Slinge en den [[Berkel]]. De doartoo beheurende groanden besloat ne oppervlaakte van 1.713 bunder.
