De riviere de '''Adige''' ([[Duuts]]: ''Etsch'', [[Ladinies]]: ''Adiç'') is ne riviere in t noordn van Italiën. De riviere ontspringt op 1550 meter heugte, noa biej de [[Reschenpas]] ([[Italiaansk]]: ''Passo di Resia'') in t Duutstalige [[Zuud-Tirool]]. Met 409 km is het noa de riviere de [[Po (riviere)|Po]] de längste rivier van Italiën.
De Adige streumt duur de plaatsen [[Meran]], [[Bozen]], [[Rovereto]], [[Trente (stad)|Trente]] en [[Verona]] noar de [[Adriatiese Zee]]. De Adige is ne arg onvoorspelbere riviere; duur smeltwater kan t peil in de riviere rap stiegn, woarduur der völle stroomversnellingn ontstoan. Doarduur kan der op de riviere nich wordn vaarn.
Eer belangriekste ziedriviern bint de [[Passeier]], dee noa an Meran in de Adige oetmoondt, de Eisack, dee noa an Bozen in de Adige oetmoondt, de [[Noce]] noa an [[Mezzocorona]], de [[Avisio]] noa an [[Lavis]] en de [[Fersina]] noa an Trente.
Biej t sloetn van t [[Verdrag van Saint-Germain (1919)|Verdrag van Saint-Germain]] in [[1919]], noa n [[Eerstn Weerldoorlog]], wördn beslötn dat t stroomgebeed van de Adige en eer ziedriviern Italiaansk grondgebeed wördn.