Verskil tüsken versys van "Leynwoord"

Mensken hebbet vake starke meaningen oaver leynwöörde. Se sulden de oorsprunglikheid van de eygene språke antasten en sorgen vöär språkverval en 'verbastering', vöäral as een 'butenlandsk' woord een bestånd inheymsk woord vervangt. Vöärstanders meynet dat leynwöörde sorget vöär språkvernying en et smöde en by de tyd holden van ne språke. Dårnöäst is et de vråge of een woord noch een leynwoord is as et an de eygen uutspråk- en grammatikaregels underwörpen wördt. Et woord ''[[pullepetaoter|pulepetate]]'' wördt döär vöäle neadersassen as een ''echt'' neadersassisk woord beleavd, terwyl dat een verbastering van et [[Fraans|franske]] ''poule pintade'' is.

 

Et neadersassisk stamt van et [[oldsassisk]], wat in de vroge [[Middeleeuwen|Middeleywen]] noch vöäle oavereynkumsten had med [[oldneaderlandsk]], [[oldfreesk]] en [[oldhougdüütsk]]. Et is anneamelik dat in dee tyd al vöäle hen en weader leynd wör. Starker noch, al disse språken hebbet nen deylden oorsprung, et [[germaansk]]. Et idee van ne vastümlynde språke bestünd in dee tyd noch nit en lüde leynden wöörde so as et öär uutküm.