Verskil tüsken versys van "Roetenvene"

Van oorsprong is 't Roetenvene een agrarische nederzetting. De ontstaonsgeschiedenis is dezölfde as die van 't dörp Neilusen: de bewoning kwaamp mit de ontginning van 't gebied deur de [[Luessener Compagnie]]. Dizze compagnie wördden in 1631 opericht deur inwoners van Zwolle, [[Kampen (Overiessel)|Kampen]] en Lusen ('t tegenwoordige [[Oldlusen]]) um de [[veenderije|veengronden te vervenen]] en de moerassen te ontginnen. Rond 1635 wördden der op de plaatse van 't hudige Westeinde een ofwateringskenaal egraven det uutmondde op de [[Vechte]]. Hierlanges ontstunden weilaanden en akkerlaanden veur [[boekweite]] mit [[elze|elzen]] en [[es (plaante)|essen]] langs de raanden. Op de nog onontgonnen [[woeste grond|woeste gronden]] graozden vernamelijk schaopen; in die tied waren der veul [[schaopskooi|schaopskooien]].<ref>[http://ruitenveen.nl/historie/ Geschiedenis op de webstee van Buurtvereniging Ruitenveen]</ref> In 17de-ieuwse inschrievingen in 't deupboek van Neilusen koomt de schriefwiezen '(Nieuwe) Ruijtenveen', 'Routenveen' en 'Ruitenveen' veur.