Verskil tüsken versys van "Maryland"

Den ståt hevt dree en twentig gråfskappen en de gråfskaplouse stad Baltimore. Sesteen gråfskappen ligget an et water van [[Chesapeake Bay]] en de vöäle rivieren der hen. Allens by mekander maket dat dat Maryland souwat 6500 km an küstlyne hevt. Undanks at et eyne van de kleinste ståten van de VS is wat uppervlak angeyt, hevt et ne ryke variaty van klimaten en landskappen, wårdöär et mangs andüded wördt as “Amerika in Miniatuur”. Vöäral ouk ümdat Maryland deylen van landskappen, kultuur en geskydenisse gemeyn hevt med andere streaken van et land.

 

 

Maryland was eyne van de oorsprungelike [[Darteen Kolonys]] van Groutbrittanie. Et wör stichted döär [[George Calvert]], nen [[Rooms-Katholieke Karke|katoliken]] bekeyrling den as ne steade sochteden wår as lüde vryelik katolik weasen möchten. In Engeland wörden se ja vervolgd. In [[1632]] kreag hee tostemming van [[Charles I van Engeland]], den as de kolony når syne vrouwe nöömden. Anders as by andere amerikaanske kolonys, wår as katolicisme neet to elåten wör, wolde Calvert ne kolony wår as verskillende gelöyve vry nöäst mekander bestünden en mekander tolereerden. In [[1649]] gavven de Algemeyne Vergåring van Maryland dårvöär nen wet uut, wårin as vastelegd wör dat lüde up straf kunden reakenen as se nen anderen marylander ‘anvöllen’ up öär gelöyv. Toch köm gelöyvsstryd vöäle vöär in de eyrste jåren van de kolony en warren de katoliken altyd in de minderheid.