Verskil tüsken versys van "Antwarpen"
Verwijderde inhoud Toegevoegde inhoud
deursturing naor Antwaarp |
Nei, uut .nl en .en Etiket: Döärverwysing vordsmeaten |
||
Regel 1:
[[Ofbeelding:OLV-Kathedraal.jpg|thumb|300px|Antwarpen an de [[Schelde]], mit de [[Oonze-Lieve-Vrouwekattedraal (Antwarpen)|Oonze-Lieve-Vrouwekattedraal]]]]
'''Antwarpen''' ([[Nederlaands]]: ''Antwerpen'', [[Fraans]]: ''Anvers'') is een stad in 't [[België|Belgische]] gewest [[Vlaanderen|Vlaandern]]. 't Is de heufdstad van de [[Antwarpen (pervincie)|pervincie Antwarpen]] en van 't gelieknamige [[Arrondissement Antwarpen|arrondissement]] (de Belgische pervincies bint onderverdield in arrondissementen). De stad hef zo'n 529.000 inwoners (2021) en is qua inwonertal de grootste gemiente van België. Mit 20.429 [[bunder]] is Antwarpen de op twee nao grootste gemiente qua oppervlak, nao [[Doornik]] en [[Couvin]]. In de metropoolregio Antwarpen woont zo'n 1.200.000 mèensen, wat dit de grootste Belgische metropoolregio nao [[Brussels Heufdstedelijk Gewest|Brussel]] mak.
Antwarpen lig veur 't grootste part op de rechteroever van de [[Schelde]], die via de reviermonding van de [[Westerschelde]] (in [[Nederlaand]]) in de [[Noordzee]] uutlöp. De stad lig zo'n veertig kilometer ten noorden van [[Brussel (stad)|Brussel]] en zo'n vieftien kilometer ten zuden van de Nederlaandse gröppe. Der is een uutgestrekt [[Haven van Antwarpen|havengebied]] mit internationaal vrachtvervoer. Nao [[Haven van Rotterdam|Rotterdam]] is de Antwarpse haven de grootste van Europa; ok zit dizze in de wereldwiede top twintig. Slim belangriek is de [[petrochemie|petrochemische]] bedrievigheid bij Antwarpen. Wieder is de stad een wereldcentrum veur de [[diamant|diamanthandel]]. In 2020 hef 't [[Globalization and World Cities Research Network]] Antwarpen eklassificeerd as een [[wereldstad]] op niveau Gamma +.
Economisch en cultureel is Antwarpen een veuranstaonde stad in de [[Laege Laanden (staotkunde)|Lege Laanden]] en hef det lange tied ewest. De [[Handelsbeurs (Antwarpen)|Handelsbeurs]], gebouwd in 1531 en herbouwd in 1872, was de eerste speciaal daorveur gebouwde [[goederenbeurs]] ter wereld, "de moe van alle beurzen".
De inwoners van Antwarpen, mit name lu wie heur femilie uut Antwarpen stamt, nuumt ze mangs ''sinjoren'' (van 't [[Spaans|Spaanse]] ''señor'', heerschop). Det stamt uut de tied in de [[Tachtigjoarigen Oorlog|Tachtigjaorige Oorlog]] de de Spanjaorden de stad bezetten en vule dikke börgerije de titel señor voerde. De stad zölf wördt deur partie inwoners wal'' 't Stad'' enuumd en mangs ''de koekenstad''; dit leste eerst wegens de pèperkoeken in de 16de ieuw en later wegens de veule koekfebrieken in Antwarpen.
De [[Olympische Zomerspeulen 1920|Olympische Zomerspeulen van 1920]] bint in Antwarpen eholden.
{{Dia|Dit artikel is eschreven in 't [[Zuudwest-Drèents]].}}
[[Kategorie:Drèents artikel]]
[[Kategorie:Stad in België]]
| |||