Verskil tüsken versys van "Frieja"

Verwijderde inhoud Toegevoegde inhoud
KGeen bewerkingssamenvatting
Regel 25:
In et gedicht ''Þrymskviða'' leynt Loki Freya syn veadermantel en verkleydet Donar sik as Freya üm de hitsige jötunn Þrymr by den buk te doon. In et gedicht wördt Donar wakker en untdekket dat synen hamer [[Mjöllnir]] vord is. Donar vertelt et Loki, en med mekander gåt se når den prachtigen hov van Freya. Donar vrögt of hee öären mantel leynen mag üm synen hamer weader te vinden. Freya vindt et good. Loki vlögt der up uut med de susende veadermantel. In et land Jötunheim süt hee Þrymr up nen barg sitten. Den vertelt em dat hee Donar synen hamer depe in de aerde verbörgen hevt en dat nüms der ooit achterkumt wår, behalve as se em Freya te trouwen brengt. Loki vlögt weaderümme med den susenden mantel. In de godenhalle vertelt Loki allens an Donar. Te houpe gåt se når Freya. Donar segt Freya en mooi kleyd an te trekken en nen bruudssloier up et höyvd te doon, want se gåt når Jötunheim. Freya wördt hellig, want wat meynt Donar wal neet. De godenhallen sküddet der van, sou hellig. Öäre halskeatene Brísingamen valt öär van den hals.
 
De goden en godinnen belegget en [[Ding (rechtsgeleardheid)|ding]] üm te bespreaken wo as se et probleem müt anvlegen. [[Heimdall]] stelt vöär üm Donar as bruud, med bruudskleyd, höyvdsloier, klinkende slöätels, upsmük en et krounjuweel Brísingamen en al der hen te stüren. Nu wördt Donar hellig, hee geyt sik toch neet as bruud verkleyden? Loki weat em te süssen en höygt em der an dat anders de nye eygenaars van de hamer hyr binnenkort by an de tåfel sittet as se den hamer neet rap weaderkryget. Donar löt sik as bruud antrekken en Loki as bruudsmäken. Sou vertrekket see når Jötunheim. Undertüsken hevt Þrymr syne bedeenden al updracht egeaven üm den dochter van Njörd te untvangen. As "Freya" den anderen morgen up de stope steet, raket Þrymr en beaten van de wyse van öär gedrag. See eat en suupt toch wal machtig nen houp; nen heylen ossen, groute telders vul viske en dree vaten [[Bier|beer]]. En as Þrymr 'Freya' under synen sloier probeert te küssen, skrikket hee sik dum van öäre verskrikkelike ougen en springt de halle döär. Den vermumden Loki veruntskuldigt de bruud öär vrömde gedrag. Se hebbet ja acht dagen neet egeaten en eslåpen üm hyr sou rap möägelik te kummen. En den bruud syne ougen brandet van leevde. Dat stelt den jötnar wat geröste, den as trouwens ouk nen mooien skuur drank uphevt. Et is tyd vöär de bruudsgeschenken. Þrymr legt Freya den hamer Mjöllnir by Freya up den skout. Donar gript synen kans, hauwt ydereynealle jötunn af en geyt der med synen hamer van tüsken.
 
==Kristelike tyd==