'''Türksk''' (''Türkçe'') is ne [[Türkske språken|Türksketürkske språke]] en officiele språke van [[Turkije|Türkye]]. Et Türksktürksk is ouk eyne van de officiele språken van [[Cyprus]] en enkele gemeynden van [[Noordmacedonie]]. Buten Türkye wördt de språke espröäken döär türkske minderheiden in landen van de [[Balkan]] en de [[Kaukasus]] sou as [[Irak]], [[Griekenlaand|Grekenland]], [[Bulgarije|Bulgarye]], [[Kosovo]], [[Bosnie en Herzegovina]], [[Syrie]], [[Rumenie]], [[Moldavie]] en [[Azerbeidzjan]]. Türksk wördt ouk espröäken döär seyr vöäle immigranten in andere landen, sou as [[Neaderland]], [[Belgie]] en [[Düütskland]]. Et is ne [[agglutinerende språke]] med [[klinkerharmony]]. Seyr våke wordt et Türksk as vöärbeyld enöömd as lüde et hebbet oaver agglutinerende språken. Döär afstammelingen van Türkske emigranten (van et Ottomaanske Ryk) in et Midden-Ousten, de Turkmenen in [[Irak]], [[Iran]] en [[Syrie]], wördet Türkske dialekten espröäken.
Et Türksk maakt deyl uut van de family van Türkske språken, dee ouk espröäken wördet in nen grout deyl van Centraal-Asie, en dee ne sou groute underlinge verwantskap hebbet, dat sy gröytendeyls underling verstånbår bünt. De Türkske språken wördet up höär böärte ereakened töt de altaiske språken, dee höygerup såmenkomen sülden med de uraalske språken. Dit låtste is neet unumstreden, mår wördt verdeydigd döär sommige akademici, sou as in de jåren 1930 döär de oustenrykske språkkündige Hermann Kvergić.
