Verskil tüsken versys van "Grove"

Verwijderde inhoud Toegevoegde inhoud
Seymansgrav
Geen bewerkingssamenvatting
Regel 1:
[[Bestaand:Marvo begrafenis Noordwijk 11-12-1951, IJmuiderstraat 17, Bestanddeelnr 904-8800.jpg|duum|349x349px|Ne lykkiste wördt döär ses kearls når buten edraegen de lykwage in.]]
Ne '''grove''' of '''begraevenis''' is ne ceremony dee hölden wördt as en menske uut de tyd ekümmen is. Rund de wearld beståt vöäle rituälen en gebruken üm en menske 'te röste te leggen' en 'de lätste eyre te bewysen'. In de westerske en [[islam]]itiske wearld is et et meyst gebrukelik üm en störven menske in de aerde te begraeven. As et menske by leaven gelöyvig was (of syne family), wördt de ceremony meysttyds leided döär nen afvaerdigden van dat gelöyv.
 
Regel 10 ⟶ 11:
Vanuut kristeliken hook is enkel begraeven tostån. Vöärafgånd an den dag van de grove kummet de achterblyvers van den douden by mekander üm afskeid van et lyf te neamen. [[Rooms-Katholieke Karke|Roumsk-katoliken]] holdet vake den åvend tevöärten ne åvendwake. Dat kan in den douden syn huus weasen, mär ouk in de [[Kark (gebouw)|karke]]. Et is gebrukelik üm rouwkaarten te låten drükken wårmed as lüde nöydigd wordet üm by den afskeidsdeenst by te weasen. Ouk wördt der vake nen advertenty in de krante sat.
 
De nöästen beslutet wee as de kiste geyt draegen. Vake sint dat nöäste verwandten: bröders, kinder of kleinkinder, mär as den douden en hougwaerdig beroop had, sou as in et laeger of by de polity, künnet ouk vakbröders de kiste draegen.. As den oaverleydenen neet souvöäle künnigen had, künnet et ouk de nöäste [[noaberskop|nåbers]] doon. In gebeden wåras nåberskap neet sou stark is, künnet familys der vöär kesen üm medwarkers van et doudgraeversbedryv in te hüren.
 
Vöär de warkelike gravlegging an kan der nen karkendeenst ehölden worden. Neet-kristelike vergårings in en uutvårtcentrum of krematorium kummmet ouk vöär. Vöär den anvang van den deenst stellet sik de nåbestånden in ne rygel up by den ingang üm de deylneaming van alle belangstellenden an te neamen. In den deenst of mis kan den [[domie|domineer]] of [[pastoor]] nen oaverleadenen gedenken in syne preyke. Vake wordet de anweysigen ouk noch eweasen up öäre eygene vergangelikheid. In wat vryere gemeyndes en in neet-gelöyvige herdenkingsdeenste künnet lüde wat seggen, en gedicht of versken vöärdraegen of den douden herdenken in ne tospråke. Ouk wördt der mangs musik edraid, wat den oaverleadenen selv by leaven hevt uuteköäsen of wårvan as de nåbestånden wüsten dat den douden et mooi vünd.