Verskil tüsken versys van "Eswatini"
Nye syde: ''''Eswatini''', officiääl et '''Köäningryk Eswatini''' (en töt 2018 bekend as '''Swaziland''') is en ineslöäten land in südelik Afrika. Et grenst up et noordousten an Mosambyk en is vöär de rest ümslöäten döär Süüdafrika. Med 200 kilometer van noord når süüd en 130 kilometer van oust når west is Eswatini eyne van de kleinste landen van Afrika. Toch hevt et en afwesselend klimaat en landskap, varierend van kuul en bargryk hougveld töt heyte e...' |
(Geen verskil)
|
Versy up 18:45, 13 jan 2022
Eswatini, officiääl et Köäningryk Eswatini (en töt 2018 bekend as Swaziland) is en ineslöäten land in südelik Afrika. Et grenst up et noordousten an Mosambyk en is vöär de rest ümslöäten döär Süüdafrika. Med 200 kilometer van noord når süüd en 130 kilometer van oust når west is Eswatini eyne van de kleinste landen van Afrika. Toch hevt et en afwesselend klimaat en landskap, varierend van kuul en bargryk hougveld töt heyte en dröyge laegveld.
De meyste van de 1.160.164 inwoaners sint swazi's. Ouk de wydverbreidste språke is swazi (wat se selv siswati nömet). Et köäningryk wör midden 18. eywe sticht under leiding van Ngwane III. Et land en de swazi sint enöömd når Mswati II, nen köäning in den 19. eywe under wee as et land et grundbesit uutbreidden en vereynigden. De hüdige grensen wörden vastelegd in 1881, do as de race üm Afrika begünde. Nå de Tweyde Boeroorlog wör et land as Swaziland vanaf 1903 en beskarmståt van et Britske Ryk, töt at et unafhangelik wör up den 6. september 1968. April 2018 wör de name officiääl veranderd van Köäningryk Swaziland når Köäningryk Eswatini, når de name dee de swazi der selv vöär bruket.
De regeyring is de lätste reine monarchy van Afrika. Et wördt al seyd 1986 regeyrd döär Köäning Mswati III. Et land hevt alle vyv jåren verkesingen üm et Huus van Vergåring en de Senaat te bepålen. De hüdige grundwet stamt uut 2005. Umhlanga, nen reeddans in augustus/september, en incwala, nen köäningsdans in december/january, sind de vöärnaamste geböärdenissen van et land.
Eswatini is en untwikkelingsland en steyt te book as ne laegere töt middelbåre inkummensekonomy. As deyl van et Süüdafrikaanske Duaneverbund (SACU) en de Deylmarkt vöär Oustelik en Südelik Afrika (COMESA) drivt et vöäral handel med Süüdafrika. Üm ekonomisk eavenwicht te beholden is de lilangeni, de eswatiniske münte, verbünden med den süüdafrikaansken Rand. eswatini's vöärnaamste handelsgenouten oaver ver sint de Europääske Uny en de Vereynigde Ståten. De meyste lüde warket in de landbouw of in fabryken. Eswatini is lid van de Südelik afrikaanske untwikkelingsgemeynskap (SADC), de Afrikaanske Uny, et Gemeynebest en de Vereynigde Natys.
De swazi's hebbet te kampen med groute gesundheidsvrågstükken: HIV/AIDS en (in mindere måte) tuberkulose kummet vöäle vöär. Når skatting 26% van de vulwaskenen hebbet HIV. In 2018 had Eswatini de up 11 nå laegste leavensverwachting van de wearld med 58 jår. In döärsneyde hevt Eswatini ne junge bevolking, med ne mediaanleavtyd up 22 jår. Sou'n 35% van bevolking is 14 jår of junger.