Verskil tüsken versys van "Westerkertiers"

Op koarten woarop de dialekten van [[Nederlaand]] vermeld worden, wordt ien n groot paart t Westerkertaaierse toalgebied omschreven as "[[Kölmerlaands]]", dat n [[Leegsaksisch]] dialekt wezen zol. t Kölmerlaands bestaait toalkundeg nait, moar wordt tegenswoordeg aanduud as t Westerkertaaiers dat sproken wordt ien [[Kölmerlaand]]. Onterecht, den t Westerkertaaiers ien Kölmerlaand gain andere aigenskoppen verteunt as dat in Grunnen sproken wordt. Meugelk komt dit misverstaand veur oet n verwarreng van t Westerkwartaaiers mit t [[Pompsters]] van [[De Pompe]].

 

t Westerkertaaierse toalgebied wordt begrensd deur de [[Drenthe|Drìntse]] provinziegrens ien t zuudoosten, de [[Grunnen (stad)|Stad]] ien t oosten en t [[Rietdaip]] ien t noordoosten. Ien dij gebieden bestaait n vlooiende overgang van t Westerkertaaiers noar de [[Grunnegs]]e dialekten, [[Noordvelds]] en [[Stadjeders]]; de overgang noar t [[Hoogelaandsters]], dat aan de aandere kaant van t [[Rietdaip]] proat wordt, is van oldsheer minder vlooiend.