Muntjeziel

Muntjeziel (Nederlaands: Munnekezijl) is t meest oostelk legen dörp van de gemeente Kölmerland en Nijkruusland, provìnzie Friesland (Nederland), en het 537 inwoners.

t Dörp ligt aan t Muntjezielsterried, tegen de grens mit de provìnzie Grunnen. Woatersporters kunnen terecht in passantenhoaven 't Eiland. Sikkom 4 kilometer in t noorden van t dörp aachter de diek is de pruifstee 'Kölmerweerd' te vienden. Daor wordt onderzuik doan noar akkerbouw- en vollegronds-gruintegewassen. Ok het t dörp n dörpshoes (de Schaanze), een kristelke boasisschool 't Oegh en de Muntjezielstermeulen dij ok wel 'Rust Roest' nuimd wordt. t Is as pelmeulen bouwd moar now as korenmeulen in gebroek. In t zuden van t dörp leit een old boogbroggetje oet 1802, mit de noam t Piepke.