Verskil tüsken versys van "Oostfraislaand"

'''Oostfraislaand''' ([[Duuts]]: Ostfriesland, [[Oostfrais]]: Oostfreesland) is n streek ien t oeterste noordwesten van t [[Duutslaand|Duutse]] dailstoat [[Nedersaksen|Leegsaksen]]. t Grènst ien t noorden aan de [[Waddenzee]], ien t westen aan de [[Nederlaand|Nederlaandse]] provinzieprovìnzie [[Grunnen (provinzieprovìnzie)|Grunnen]], ien t zuden aan [[Oldenburg (kreis)|Olderbörg]] en ien t oosten aan de [[Jade]]. Bie t gebied heuren de Oostfraise [[waddenailanden]]: [[Borkum|Börkem]], [[Memmert]], [[Juist|Juust]], [[Nordeney|Noordeny]], [[Baltrum|Baalterm]], [[Langeoog|Laankeoog]],[[Spiekeroog|Spaikeroog]], [[Wangerooge]]. Belaankrijke steden ien Oostfraislaand binnen [[Aauwerk]], [[Emden]], [[Leer (stad)|Leer]], [[Norden]] en [[Wittmond]].

Van oldsheer beston Oostfraislaand oet t gebied tuzzen [[Ems]] en [[Jade]]. Der wuir [[Freesk|Frais]] proat en de Fraise kultuur wuir der volgd. Dou t Fraise riek (''[[Magna Frisia]]'') oetmekoar veul, schaaide [[Grunnen (provinzieprovìnzie)|Grunnen]] (de [[Ommelanden]]) Oostfraislaand en [[Vreesland|Westlauwersfraislaand]]. Oostfraislaand kreeg n aaigense [[graof|geve]] en wuir n dail van t [[Heilig Roomse riek|Haileg Roomse riek]]. Oostfraislaand beston dou oet de tegenswoordege [[landkreis|laandkraitsen]] Emden, Aauwerk, Leer en Wittmond. De tegenswoordege laandkraitsen [[Friesland (kreis)|Fraislaand]] en [[Wilhelmshaven|Wilhelmshoaven]] heurden hier nait meer bie. Dou t [[koninkriek Hollaand|keunenkriek Hollaand]] zoch oetbraaide deur Oostfraislaand te verovern heurden dizze kraitsen der anders wel bie. Doch vuilen de mìnsken oet de kraitsen Friesland en Wilhelmhoaven zoch gain Frais.

Binnen [[Duutslaand]] het Oostfraislaand n dudelk aaigense identiteit. Veul dingen dij ien [[Grunnen (provinzieprovìnzie)|Grunnen]] of [[Vreesland|Westlauwersfraislaand]] bruuk worden, bruukt man ook ien Oostfraislaand.

Ien Oostfraislaand worden ien tegenstellen tot de verbeelden gain [[Vrees|Frais]] proat, môr Platduuts. t Oostfrais (n Saksisch dialekt dus) is ien de middeliewen ontstoan dou t Frais verdrongen wuir deur t Saksisch oet t zuden. Ditzulfde process het zoch n aantel joaren doarveur ook ofspeuld ien [[Grunnen (provinzieprovìnzie)|Grunnen]]. Vandoar dat t [[Oostfrais (platduuts)|Oostfrais]] dan ook verwant is aan t [[Grunnegs]]. Dit zugst aan woorden as ''Schöfel'' (Oostfrais) en ''scheuvel'' (Grunnegs) en de verklainwoorden mit ''-tje'' en ''-ke''.