'''Keunst''' is kot saemenvat de toepassing van [[mense|meenskelike]] kreativiteit. Keunst staot veur een scheppende aktiviteit, die vaeke (mar niet altied) antrekt tot et meenskelik gevuul veur [[esthetiek]]. Keunst kan een aspekt uutdrokken van et wereldbeeld, [[god]]sbeeld, meensbeeld en/of zelsbeeld van de [[keunstener]], van zien/heur gevulens omtrent meenskelike en/of sociaole verhooldings. Ok kan et dienen om de toeschouwer of toeheurder mit te nemen uut de daegelikse realiteit, naor een deur de keunstener kreëerde wereld. Zo heuren ok [[meziek|musiceren]], akteren, filmen, (stripboeken) tekenen, weven, berduren en komponeren (om mar een peer veurbeelden te numen) onder bepaolde veurweerden tot de keunsten. D'r is gien dudelike scheidingsliende tussen keunst en pattie aandere meenskelike bezigheden.