Verskil tüsken versys van "Zuderzee"
Geen bewerkingssamenvatting |
(Geen verskil)
|
Versy up 21:50, 12 mei 2006
De Zuderzee was de naom van de grote binnenzee die, tot de sluting van de Ofsluutdiek (1932), lag op de plek van wat noon 't Iesselmeer is. Nao 't gereedkommen van de Ofsluutdiek wönnen 't waoter Iesselmeer eneumd, naor de revier de Iessel die derin uutmondt.
De Zuderzee ontstong in de lop van de middeleeuwen uut 'n merencomplex dat in de Romeinse tied al bekend stong as Flevo Lacus (Flevomeer). De soms woeste binnenzee was zowel 'n vleuk as 'n zegen veur de bewoners van 't umliggende laand. Diverse waotersnoden troffen de umliggende gebieden.
Haandelsschepen bevoeren de zee; haovensteden as Kampen en Harderwiek beheurden tot de Hanze, en via de Zuderzee voeren VOC-schepen naor Hoorn en Amsterdam. Ok wönnen der volop evist. In 1900, toen de Zuderzeevisserieje op heur hoogtepunt was, wönnen der zo'n 3000 platbodems actief waormee evist wönnen op hering, ansjovis, paoling, bot en gernaolen.