Verskil tüsken versys van "Boorn"

'''Boorn''' is ne gemeente in [[Tweante]] in de [[Nederlaand|Nederlaandse]] proveensie [[Oaveriessel]]. De gemeente lig noordwestelik van [[Hengel]], hef ne öppervlakte van 26,15 veerkaante kilometer en har op n eerstn januari [[2006]] 20.531 inwonners. Nöast Boorn zölf heurn ok [[Hertem]] en [[Zeander]] töt de gemeente. Töt de gemeentelike herindeling van [[1 januari]] [[2001]] heurn ok [[Boornerbrook]] töt de gemeente Boorn, seend den tied heurt t töt de gemeente [[Almelo]].

Boorn wördn in [[1206]] al neumd doo t doarp ''Burgunde'' oonder zegnschop van n bisschop van [[Uutrech]] kwam. Töt t endeande van de achtteende eeuw was Boorn ne aarme plattelaandsgemeente. In [[1828]] stichtn ne [[Duutslaand|Duutse]] jörre, [[Salomon Jacob Spanjaard]], n bedrief, dat oetgreuin töt een van de völle linngoodfabriekn in Tweante. Roond 1920 har ''de Spanjaard'' n groot deel van de manlike inwonners in t weark. In n [[Tweedn Weerldoorlog]] kwamn völle leu oet de familie Spanjaard te stearvn. In [[1973]] höaldn t bedrief op. Boorn was in [[1895]] de eerste plattelaandsgemeente in Nederlaand met zien eign elektries. Seend [[1983]] hef Boorn n saamnwearkingsverbond met de Duutse gemeente [[Rheine]].